Localizado nunha escola mixta para estudantes brancos e negros en Abidjan, este docu-drama amosa como o traballo en equipo para facer o filme cambia a súa actitude cara os demais. A chegada de Nadine, unha nova alumna, é tamén o punto de partida dun debate sobre as relación interraciais.
Sophie reflexiona sobre a alegría compartida e a melancolía privada dunhas vacacións que fixo co seu pai 20 anos atrás. Os recordos reais e imaxinarios enchen os espazos entre as imaxes mentres tenta reconciliar ao pai que coñeceu co home que non coñeceu.
Un conde e a súa filla viven no fermoso castelo de Aubanel. A moza condesa, pola súa beleza e bondade, é querida por todos os seus vasalos, mais maltratada pola súa madrastra e medio irmás. Un dos seus paxes liberaraa de semellante escravitude coa axuda dun mago e do seu gato Ulises. Libre adaptación do conto d'A Cincenta, de Charles Perrault dirixida polo autor de Zipi e Zape.
En 2018 un grupo de nove mulleres presentaron unha denuncia contra dous dos seus profesores da Aula de Teatro de Lleida por abusos sexuais que tiveron lugar entre os anos 2001 e 2008, cando eran unhas adolescentes. Foi demasiado tarde. Por medo, por vergoña, porque tardaron moito tempo en entender e dixerir o que lles pasara, a denuncia chegou cando o caso xa prescribira e arquivouse. O que non sabían é que a pesar de que o caso prescribira, os seus testemuños estaban abrindo unha porta na que ao mellor non todo estaba perdido.
O gobernador dun estado de México se alía cun empresario e pagan a un grupo de policías para que se despracen ata a outra punta do país para secuestrar a unha xornalista que publicou un libro onde lles denuncia por trata de nenas. Eses policías poden secuestrala "legalmente", torturarla, matala polo camiño e lanzar o seu corpo ao mar onde probablemente ninguén o atopará nunca. Poden desatar o horror e saír totalmente impunes. Ou non...
El desengaño é un proxecto visual baseado nunha serie de actividades expositivas e editoriais ao redor do traballo que o fotógrafo Julián Barón realizou sobre o desastre do Prestige en decembro de 2002.
Emmanuèle, unha novelista cunha vida privada e profesional plena, precipítase ao Hospital ao decatarse de que o seu pai, André, acaba de ter un accidente cerebrovascular.
Cando se esperta, debilitado e dependente, este home, curioso por natureza e amante apaixonado da vida, pídelle á súa filla que lle axude.
Corto baseado no libro homónimo. Conta a historia dunha nena negra brasileira criada nun fogar cheo de amor e referencias afrocéntricas. Apenas Maalum sae do seo do seu fogar, enfróntase aos desafíos que lle impoñen os discursos e prácticas dunha sociedade racista: os negros son vistos como diferentes e fóra do estándar.
Carmen Córdoba González foi unha das sensacións do 2020-21 ao lograr, co seu primeiro curto como directora, Roberto (2020), máis dun centenar de premios, entre eles o do prestixioso Trickfilm-Festival Stuttgart, ademais de ser candidata nos Premios Goya 2021. Ante tan destacado debut, había expectación por ver o seu segundo traballo, que resultou ser moi distinto en numerosos aspectos.
Sandwich Cat ben podería ser o inicio dunha nova etapa na filmografía de David Fidalgo Omil.
Quizá non alcanzase con esta obra o cénit dese segundo período, pero celebro que se mergulle decididamente no humor disparatado e a caricatura extrema en vista do interesantes que son os resultados, especialmente nun plano estético.
O cineasta constrúe ao redor da dialéctica entre a bondade e a maldade do ser humano un canto de amor á vida, pero dá a sensación de que iso é case o de menos.
