Outras actividades

O alumnado de Educación Infantil de 3 anos do CEIP López Ferreiro lembrará a Carlos Casares recitando poemas e contando contos traballados na súa aula. Na sala infantil.

Durante a semana do 17 ao 24 de abril a Biblioteca realizará unha Campaña de liberación de libros. Liberarémolos por diferentes espazos da nosa biblioteca e as persoas interesadas poderán escoller que libros levar a casa entre unha gran variedade. Despois de lelos, poderán á súa vez deixalos nalgún lugar da nosa cidade para que outra persoa goce coa súa lectura. Esta campaña ten como obxectivo expandir a cultura máis alá das paredes das bibliotecas e espazos culturais.

A Biblioteca Pública de Vigo Juan Compañel convoca por séptimo ano consecutivo o VII Certame de banda deseñada “B.D. de Vigo”. O prazo de presentación dos traballos será a partir do 14 de marzo e rematará o 17 de abril de 2017. Os traballos presentaranse á: Biblioteca Pública de Vigo Juan Compañel. C/ Joaquín Yáñez, 6 (Casco Vello) Vigo. Hemeroteca, 1ª planta.

A  Biblioteca Pública de Vigo Juan Compañel adhírese ao concurso "Andersen hoxe" convocado pola OEPLI (Organización Española Para el Libro Infantil y Juvenil) e as súas diferentes seccións, entre as que se atopa Galix (Asociación Galega do Libro Infantil e Xuvenil) co patrocinio do Ministerio de Educación, Cultura e Deporte.

As artistas silenciadas serán as protagonistas das visitas guiadas que o Museo de Pontevedra celebrará no marco do Día Internacional da Muller.

Desde o gabinete didáctico proponse unha reflexión sobre o papel da muller na Historia, na Arte e na vida, facendo un repaso polas condicións que marcaron a súa existencia, ausencia ou esquecemento.

O 8 de marzo ás 20:00 horas a conservadora de pintura e debuxo do Museo, Mª Ángeles Tilve Jar, analizará nunha conferencia “O traballo feminino a través da obra Las cigarreras de Gonzalo Bilbao”.

SÁBADO SOCIOEDUCATIVO - BIBLIOTECA PÚBLICA DE PONTEVEDRA

A Biblioteca Pública de Pontevedra Antonio Odriozola, a través do seu programa de voluntariado, promove o  “Observatorio Socio-Educativo Inspira”, 6 sesións de charlas que teñen por finalidade abrir un espazo de debate e encontro entre os/as implicados/as de forma directa ou indirecta no ámbito do cambio e a dinamización socio-educativa.

MARÍA BÓVEDA  (4 DE MARZO 2017 DE 11:00h a 13:00h)

Conmemoramos o Día Internacional das Mulleres, o 8 de marzo, co noso panel de Mulleres Científicas no que podedes xogar a relacionar a 13 investigadoras formadas nas universidades galegas, desde os anos 20-30 do século XX ata a actualidade.

Adherímonos así á proposta da plataforma Iniciativa "11 de febrero" para visibilizar o traballo das científicas e crear roles femininos nos ámbitos da ciencia e da enxeñería e promover prácticas que favorezan a igualdade de xénero no ámbito científico.

O panel está na sala infantil.

Na segunda entrega do "TAC, TAC, TAC. Un conto nun lugar nun límite de tempo", á cooperativa Númax ten como convidado o escritor coruñés Manuel Rivas.

El será o encargado de escribir en directo un conto na vella Olivetti da nosa libraría. Posteriormente, este texto mecanografado só se poderá ler no espazo físico da Libraría NUMAX durante un mes.

A Real Academia Galega celebra o 180 aniversario do nacemento de Rosalía de Castro cunha homenaxe literaria e musical. O músico Roi Casal interpretará poemas da escritora musicados por el mesmo nun acto no que tamén haberá recitados dos seus versos a cargo de Rosalía F. Rial, Ánxeles Penas e os académicos Marilar Aleixandre, Salvador García-Bodaño e Luz Pozo.

A Xunta de Galicia, a Rede de Dinamización Lingüística (RDL) e o Consorcio Galego de Igualdade e Benestar celebran a festa da Lingua Materna, instituída pola UNESCO no ano 1999 para promover o multilingüismo e a diversidade cultural mediante o impulso ás linguas con menos falantes. Tras un breve acto institucional, o coñecido cantante de música infantil Pablo Díaz e a súa banda (Carmen Rey, piano e voz; Tito Calviño, guitarra acústica) empregarán o engado das músicas do seu disco Xente miúda, moita fartura para interactuar cos nenos e nenas e coas súas familias.