Outras actividades

Por terceiro ano consecutivo, o museo e a ESAD de Galicia colaboran para dar a coñecer na noite dos museos unha figura da cultura galega, este ano o arquitecto Alejandro de la Sota. Durante aproximadamente unha hora, o público asistente verase inmerso no mundo elegante, divertido e natural que nos deixou o artista, nos diferentes espazos do museo. A intervención incluirá imaxes poéticas que irán acompañadas dun espazo sonoro que permita ao público relacionar a imaxe coa idea que se quere comunicar.

Con motivo da celebración do Día Internacional dos Museos, realizaranse visitas ás salas de Prehistoria e Historia Antiga do Museo de Pontevedra para todos os públicos, incluíndo a visita ao diorama sobre a prehistoria cos Clicks.

Non é necesaria inscrición, só estar uns minutos antes do inicio da visita na recepción do Sexto Edificio.
 

Un faladoiro, unha visita guiada e unha proxección para iluminar na “noite dos museos” as sombras que escurecen a obra das mulleres nos museos.

18:00h. Faladoiro para reflexionar sobre os discursos contradictorios arredor dos xéneros na arte. A continuación, acto de recepción das doazóns de obras das artistas Carmen Porteiro e Violeta Bernardo.

- Mércores 16 de maio ás 18.30: Homenaxe a M.ª Victoria Moreno cos debuxos e contos de Polo Correo do Vento
- Sábado 19 de maio ás 12.00: O cataventos e outras historias de Vilaxeada con Charo Pita
- Entrega de marcapáxinas conmemorativos
- Exposición biobibliográfica Unha historia de amor co galego, do 2 de maio ao 2 de xuño
- Centro de de interese Eu conto, ti les, do 2 de maio ao 2 de xuño na sala infantil

Resumo das actividades que se realizarán no Museo Arqueolóxico Provincial de Ourense con motivo do Día Internacional dos Museos

Resumo das actividades que se realizarán no Museo de Belas Artes da Coruña con motivo do Día Internacional dos Museos

A Semana das Letras Galegas encherá de cine, teatro e literatura as rúas do Barco de Valdeorras. Entre o venres 11 e o domingo 20, están programadas unha serie de actividades, que culminarán cun maratón de lectura na praza Andrés de Prada, para celebrar as letras galegas e homenaxear a María Victoria Moreno. 

Estas xornadas inclúen visitas a diferentes adegas onde se poderán degustar os diferentes viños da zona do Ribeiro.

Ademais, restaurantes da zona ofrecen menús especiais co gallo destas xornadas.

Unha vez máis o Viñobus estará dispoñible para os que queiran participar nestas xornadas. O Viñobus sairá o 26 de maio de Ourense, Vigo e Pontevedra e contará con guías turísticos que acompañarán aos participantes nos percorridos polas distintas adegas.

Durante estas xornadas tamén se poderá realizar unha visita guiada nocturna ao Castelo de Ribadavia e ás súas rúas.

Mondoñedo é poesía celebra a súa quinta edición. As actividades incluirán recitais na rúa e no Auditorio Pascual Veiga, pero tamén unha homenaxe aos 200 anos da chamada Escola Poética do Seminario e a presentación da edición do libro Mondoñedo é poesía 2014-2018.

Programa

Recitais na rúa

17:00h.-Praza do Seminario

Homenaxe á Escola Poética do Seminario

Breve acto de homenaxe aos 200 anos da Escola Poética do Seminario (EPS). 

A través deste divertido xogo por equipos, os/as participantes coñecerán algo máis sobre a orixe e significado do Día das Letras Galegas e os autores e autoras homenaxeados ata o momento, ao tempo que descubrirán interesantes datos sobre a vida e obra de María Victoria Moreno, a autora homenaxeada este ano.

Destinado ao alumnado dun centro educativo de Santiago de Compostela. Acceso restrinxido.