Outras actividades

Con máis de 300 figuras, este histórico belén está organizado pola Asociación de Belenistas San Marcos de Corcubión. 

Como é costume nestas datas, A Igrexa de San Vicente de Cespón exporá no seu interior un belén que se poderá visitar dende o 10 de decembro ata o 7 de xaneiro. O belén conta con figuras mecanizadas que achegan realismo á instalación.

Do 14 de decembro ao 6 de xaneiro o Teatro Afundación de Vigo acollerá a exposición do tradicional Concurso de Belens, que este ano celebra a súa 52 edición. 

Neste 2017 os premiados foron os seguintes:

Categoría Individual

1º Premio: Centro de día Net – Avó.

2º Premio: Centro Residencial de Atención a Personas Mayores Doral Residencias.

3º Premio: Doira Barrio Paratcha.

Categoría de colectivos formados por menores de 16 anos

1º Premio: AMPA Outeiro do Sino del CEIP San Salvador de Teis.

A Catedral de Santiago acolle o seu tradicional Belén. Trátase dunha instalación de 60 metros cadrados e unhas 600 pezas artesanais, algunhas delas con movemento.

Un ano máis podemos gozar do Belén instalado no Concello da Coruña, contando con máis de 250 figuras orixinais realizadas polo taller Gárgola.

Parte das pezas son personaxes históricas relacionadas coa cidade, como é o caso de Breogán, María Pita, María Casares, Emilia Pardo Bazán, Concepción Arenal, Luís Seoane ou o doutor Vázquez Igrexas, entre outros.

Un Nadal máis, o tradicional Belén da Viruca, realizado pola verinense Viruca González Barreira coa colaboración dos seus familiares e amigos/as, volta a Verin para amosar a veciños/as e visitantes os seus máis de 150 metros cadrados, nos que se recollen decenas de figuras artesanais, moitas delas móbiles.

A Asociación de Belenistas de Lugo e Abanca Obra Social convocan o Concurso de Beléns 2017, cuns premios de 100€ para o gañador, 50€ para o segundo posto e 25€ para o terceiro, ademais de diplomas ás 10 mencións honoríficas. A inscrición ao concurso termina o 22 de decembro e as visitas do xurado realizaranse a partir do día 26.

Os beléns poden ser de sete tipos distintos: Beléns Parroquiais, Beléns Sociais, Beléns Domiciliarios, Beléns en Centros Educativos, Escaparatismo de Nadal, Beléns Orixinais e Beléns Viventes.

Como todos os anos desde a década dos 40, o Belén da Orde Terceira, obra do artista ferrolán Don Alfredo Martín Lorenzo, volve a exhibirse en Ferrol. Os medios de comunicación mencionárono como un dos mellores de España e mesmo de Europa no seu estilo, que ano tras ano acapara a atención de quen o visita.

O mércores 20 de decembro conmemórase o 110 aniversario da estrea do Himno galego na Habana, cando se interpretou por primera vez a versión musicada do poema de Eduardo Pondal. A Real Academia Galega celébrao cun acto literario e musical organizado da man do Instituto José Cornide. Contará coas intervencións de Fernando López-Acuña López e Ramón Villares Paz e coa interpretación musical de Queiman e Pousa. 

A entrada é libre ata completar capacidade. 

Allariz celebra o Nadal cunha programación chea de actividades para todos os públicos.

Entre o 17 de decembro e o 8 de xaneiro a xente da localidade e os visitantes poderán participar de concertos musicais, teatro, contacontos, monólogos de humor e actividades deportivas como “a derradeira solidaria”.

Ademais, o pavillón do IES de Allariz acollerá unha nova edición do NadalParc. Os máis pequenos poderán divertirse nos inchables, nas zonas de xogo e no espazo reservado para as novas tecnoloxías.