Esta charla pretende espertar o interese pola arte da maxia nos asistentes. As fantásticas e sorprendentes historias da maxia irán acompañadas, ás veces, coa realización de xogos de maxia, e noutras ocasións coa explicación dalgún xogo, xogos baseados en segredos físicos e matemáticos, pois ao fin e ao cabo, a maxia sempre foi da man do coñecemento.
O espectáculo ten unha duración de 90 minutos. Para todos os públicos, a partires de 7 anos.
Selección de libros amenos de coñecemento, moitos deles cun toque de humor.
Selección de libros para nenas e nenos de dragóns, príncipes, princesas, castelos, Idade Media... para levar en préstamo.
No marco do taller Facer dúas veces, do CGAC, o 18 de xullo desenvolverase unha recreación da performance Expiration movement, orixinalmente do artista Daniel Knorr e recreada aquí por Fermín Jiménez Landa. Terá lugar no Pazo de Raxoi de Santiago de Compostela o día 18 ás 12:00 h, e inclúese no programa de celebración das festas do Apóstolo. Desde unha fiestra deste edificio poñerase en funcionamento unha máquina de fume co fin de recrear que o edificio está ardendo.
A campaña O galego crea ambiente pivota arredor da idea de que a lingua é un dos alicerces do desenvolvemento sustentable. Forma parte do patrimonio, xunto coa cultura, a paisaxe ou a biodiversidade. Un patrimonio que cómpre coñecer e valorar, transmitíndoo e dándolle vida co uso.
Co gallo dunha nova edición do Asalto ao Castelo de Vimianzo o venres anterior celébrase unha cea medieval no foso do castelo.
Os asistentes poderán degustar un menú propio da época que estará acompañado por diferentes actuacións teatrais e musicais.
Outro ano máis, o Liceo Mutante acollerá a festa de San Xoán. Pola tarde se recollerán as herbas para lavar a cara ao día seguinte: fiúncho, abeloura, malva, romeu e estraloques. As portas do Liceo abriranse ás 9 da noite. Para entreter o akelarre mutante sete das mellores pinchas han seleccionar temas musicais cos que menear o bullarengue.
A Semana do Libro de Compostela celebra este ano a súa segunda edición. Nace en 2017 como resultado do traballo colaborativo entre o Concello de Santiago e a Mesa do Libro de Compostela, co obxectivo de atender as demandas e as necesidades de libreiros e editoriais da capital galega, e co reto de ir un paso máis alá das feiras do libro tradicionais.
A intención é que sexa unha semana de celebración ao redor do libro, con actividades que inviten á participación de toda a familia.
Churruca, unha das zonas máis activas na vida nocturna viguesa, é o epicentro de Bazares nos Bares, unha actividade para levar aos cidadáns á zona tamén durante o día e no que once locais se converterán en bazares por un día dando a coñecer o traballo dos artistas locais. Ilustradores, escultores, pintores ou decoradores serán algúns dos protagonistas, aínda que tamén se poderá descubrir moda, produtos ecolóxicos ou traballos en madeira.
O programa contará tamén con obradoiros e actividades para nenos e adultos.
Sorteamos un abono de 3 días para o festival Portamérica (Caldas de Reis, do 5 ao 7 de xullo) entre as persoas de 18 anos ou máis que leven en préstamo cd de música entre os días 1 e 20 de xuño.
Por cada préstamo hai dereito a unha participación e cantas máis participacións, máis probabilidades de gañar. O sorteo realízase cun programa que selecciona a persoa gañadora de xeito aleatorio, faise o día 21 coincidindo coa Festa da Música.
