Autores de ciencia ficción e científicos conflúen neste obradoiro e danlle forma a unha actividade para promover a literatura de ciencia ficción e intentar comprender o concepto de flotabilidade. Jules Verne, Arquímedes, Antonio Sanjurjo Badía e Issac Peral introdúcennos na construción dun submarino.
Unha actividade de Ler conta moito ideal para promover o interese pola lectura, a ciencia e o traballo en equipo.
Curso de caligrafía cervantina
Teoría e práctica de caligrafía con especial referencia aos séculos XVI e XVII
Datas e horarios:
-21, 27 e 28 de abril: de 18:30 a 20:30 h.
-22 e 29 de abril (sábados) de 10:30 a 12:30 h.
Destinatarios: a partir de 15 anos.
Prazas limitadas.
Inscrición por orde de petición
Charla divulgativa sobre a plataforma de préstamo de libro electrónico GaliciaLe. Na Sala de Audiovisuais
Partindo de dúas obras de Maruja Mallo (Máscaras e Máscaras con bolboretas), como base, cada participante fará unha interpretación, contará un conto, a través da ilustración. “Animaremos” estas dúas obras da pintora.
Técnica: recortables, debuxo, pintura. Para 20 nenos e nenas de 4 a 12 anos na sala multiusos.
A través de A galiña azul, farase unha explicación amena do seu autor, Carlos Casares, e do que significan as Letras galegas. A galiña azul virá moi ben acompañada, de xeito que coñeceremos outras obras de Casares e algúns contos de tradición. Despois da sesión de contos, desenvolverase un obradoiro. Para que a obra de Casares perdure no tempo, máis aló do seu día.
Obradoiro lúdico dentro do programa Ler conta moito, da Rede de Bibliotecas de Galicia.
Nenos e nenas: a partir de 4 anos
Colectivos con necesidades especiais: discapacitados psíquicos
Imaxes artísticas, lecturas e actividades plásticas conforman estes divertidos obradoiros nos que os rapaces observan, dialogan, xogan e crean a partir de imaxes artísticas e textos literarios e establecen divertidas conexións entre artes visuais, a literatura, a historia e mesmo a ciencia. Todo isto a través de seis personaxes imprescindibles. Como para non descubrilos a través dos libros!
Obradoiro lúdico dentro do programa Ler conta moito, da Rede de Bibliotecas de Galicia.
Nenos e nenas: 5 a 14 anos e familias
Desde unha aproximación experiencial, asertiva e moi humorística, neste obradoiro tratarase de contar a propia experiencia do autor, empatizar coas inquietudes do público e amosar o proceso de creación básico dunha viñeta ou dunha banda deseñada: desde a inspiración e idea inicial ata a plasmación final sobre o papel ou soporte dixital.
Obradoiro dentro do programa Ler conta moito, da Rede de Bibliotecas de Galicia.
Obradoiro lúdico educativo, que nos achega, dun xeito ameno e participativo, este fascinante mundo. Mediante unha dramatización moi visual, amósanse todos os pasos da elaboración dunha película; desde a creacion do guión ata a dobraxe, que -como non- os asistentes realizan.
Obradoiro dentro do programa Ler conta moito, da Rede de Bibliotecas de Galicia.
Nenos e nenas: 6-12
O debuxo rítmico é unha proposta que desde a música ordena os primeiros trazos de garabateo ao conectar ritmo, palabra e gráfico. A través da canción e a música traballaremos o corpo, as partes do corpo e o movemento de cada un deles. A nena ou neno seguirá o rítmo camiñando, correndo, saltando e repetindo coa voz até debuxar no aire os trazos que escoitaremos na canción.
Obradoiro dentro do programa Ler conta moito, da Rede de Bibliotecas de Galicia.
Nenos e nenas: 3-12
Un paseo polos álbumes ilustrados, polo seu proceso de creación e as súas partes. Unha experiencia creativa a partir das palabras para convertelas en ilustracións.
Obradoiro dentro do programa Ler conta moito, da Rede de Bibliotecas de Galicia.
Nenos e nenas: de 3 a 18 anos
Colectivos con necesidades especiais: Persoas con discapacidade psíquica, sensorial, motora. Duración: 90 minutos
