"As sensacións de cor", un conxunto de óleos de Paloma Díaz-Castroverde nos que traduce a través da súa particular linguaxe pictórica diversas situacións que en diferentes circunstancias lle calaron ata o máis fondo.
"Fotos escritas á man", unha serie de fotografías con texto de José Luis Fernández Liz, nas que o autor plasma graficamente o resultado das súas conversas coas imaxes que un día capturou coa súa cámara.
A Fundación Eugenio Granell acolle unha exposición dos fondos de cerámica do Museo do Pobo Galego, para sumarse á conmemoración do 40 aniversario da súa creación.
A grand colección de cerámicas de Luciano García Alén e a súa dona María García Ayaso constitúe un importante legado que o o coleccionista doou ao Museo do Pobo Galego.
Recóllense mostras de toda Galicia, algunhas son exemplos de características únicas, en bo estado de conservación e cun valor, patrimonial e económico, incalculable.
O micromuseo de xénero de Aire centro de Arte acolle unha mostra fotográfica que xira ao redor do rol que desenvolve a muller e a necesidade de rachar con el.
Trátase da primeira exposición indiviual da fotógrafa, un conxunto de 23 maxes que amosan a historia dunha muller que ve marcada a súa vida polos estereotipos de xénero.
O programa Viaxe cara á vida, da Fundación Terra de homes, fixo posible dende hai 14 anos, o traslado de 97 nenos e nenas procedentes de países africanos para que fosen operados de graves enfermidades, de forma altruísta, polos equipos médicos de Galicia.
Os artistas plásticos galegos únense para apoiar e dar continuidade a este proxecto a través desta exposición, que estará tamén nas cidades de Santiago e Vigo.
"Once upon a time" é a última das intervencións seleccionadas na primeira convocatoria de apoio á creación en artes visuais da Zona “C”. Nesta instalación está presente a especial relación de Marta Bran coa pintura.
Unha multitude de farangullas de pan, creadas en cerámica, darán forma a unha paisaxe expandida e fragmentada na que un escenario bucólico tinguido de situacións cotiáns será o principal protagonista.
A exposición ofrece unha selección de 72 viñetas do debuxante e colaborador do Faro de Vigo, sobre os seus temas habituais: matriarcado, furanchos, pescadores, marcos das leiras, etc., e desde a súa retranca particular.
Trátase dunha das exposicións que percorreu a provincia o pasado ano no marco do programa de actividades culturais promovidas pola Deputación con motivo do Ano Castelao.
As persoas con dificultades auditivas poderán seguir a mostra coa axuda dunha audioguía-signoguía.
Xa é tempo de entroido! expoñemos algúns libros sobre o tema para ir preparando os disfraces e demais.
Sala Infantil, pode visitarse durante o horario de apertura da biblioteca.
Cada ano, o 30 de xaneiro, celébrase o Día da Ilustración e a Biblioteca Pública de Pontevedra participa desta efeméride cunha mostra bibliográfica que ten por título: "Ilustradores con premio: Premio Nacional de Ilustración.
Lugar: Sala de Exposicions
Nesta mostra, na que a escultura ten un lugar predominante, mestúranse os animais e o entorno do océano e o monte; un bosque oceánico que sofre a desolación causada polo home. Consta de oito esculturas cerámicas, unha mostra de xoias, e dez ilustracións de carácter animalista.
O traballo de Sandra Villar, técnica superior en artes aplicadas á escultura e estudante de cerámica na Escola de Arte e Superior de Deseño Pablo Picasso, está profundamente ligado á natureza, e de forma especial ao fondo mariño.
A Universidade de Santiago, a Deputación da Coruña e o Concello de Noia únense nesta homenaxe póstuma ao pintor de Noia Juan José Fernández Leiceiaga "Sesé" (1962-1989).
Para esta exposición, comisariada por Mercedes Rozas, recupéranse obras de coleccións públicas e privadas deste artista, de curta pero intensa traxectoria que, con só 11 anos, gañou o primeiro premio de pintura infantil ao aire libre organizado por Caixa Galicia en Noia en 1973. En 1987 foi seleccionado na Bienal de Pontevedra.
