Pop Art Icons achéganos ao universo dun dos movementos artísticos máis importantes da historia da Arte.
A Fundación Cum Laude presenta esta nova exposición acudindo á colección privada de MBA e en colaboración coa Deputación de Ourense. Nesta edición non se repiten as obras da realizada no 2013 "Pure Pop Art" con grande éxito, é unha mostra principalmente didáctica baseada, sobre todo, nos retratos.
Denomínase álbum ilustrado a toda obra literaria, en xeral, dedicada ao público infantil, caracterizada por aunar nunha mesma páxina contido textual e contido ilustrado ou imaxe. Os dous contidos compleméntanse aportando conexión e coherencia á obra literaria. Normalmente edítanse en tapa dura e son obras de pequena extensión. É un xénero literario propio da literatura infantil e xuvenil relativamente recente, aínda que tamén hai álbums para adultos.
Sala Infantil, pode visitarse durante o horario de apertura da biblioteca.
Conmemoramos o Día da ilustración (30 de xaneiro) cunha mostra dedicada a Maruxa Mallo (Viveiro 1902 - Madrid 1995), a máis recoñecida das artistas galegas do século XX.
A súa obra é cada vez máis valorada por galeristas e críticos, aínda que non foi recoñecida ata a morte de Franco. A súa culminación podería establecerse na Medalla de Ouro de Belas Artes, no 1982, e na exposición antolóxica que no 1993 inaugura o Centro Galego de Arte Contemporánea.
Nova instalación do Museo de Belas Artes da Coruña, un proxecto que nace do obradoiro impartido polo artista coruñés Pepe Galán no marco do ciclo ‘Artistas no museo’ e que ten como fío condutor a figura do escultor decimonónico Isidoro Brocos.
Coa exposición Paisaxe e Patrimonio: un percorrido polo territorio a través do Arquivo de Galicia, este centro pretende difundir o interese dos documentos que custodia como fonte de información para os estudos sobre a evolución da paisaxe, un patrimonio que, como os arquivos, é preciso preservar.
Plácido Ramón Castro del Río, nado en Corcubión o 25 de xaneiro do 1902 e finado en Cambados o 17 de xullo de 1967, foi un escritor, xornalista e tradutor galego. Foi unha figura destacada do galeguismo de entreguerras, así como un activo persoeiro da cultura galega na diáspora, durante a súa estadía no Reino Unido tras a Guerra Civil.
Con esta mostra no 2º andar da biblioteca recordamos a súa figura e a súa obra.
Esta exposición do artista Rubén Ramos Balsa supón a primeira presentación ampla do seu traballo en España, reúne unha serie de pezas (fotografías, videos) que pertencen ás diferentes series e investigacións sobre as que o artista vén traballando desde principios dos anos dous mil.
A mostra, comisariada por Juan de Nieves, concíbese como un campo de ideas e obras interrelacionadas cunha vocación de recorrido experiencial e está composta por un total de 60 obras, algunhas delas modificadas e adaptadas para as salas do MAC, que cuestionan a percepción do espazo visual.
Os fotógrafos de La Voz de Galicia Xoán Soler, Álvaro Ballesteros, Sandra Alonso e Merce Ares expoñen nunha mostra na USC as súas mellores instantáneas que resumen o acontecido en Santiago e a súa contorna en 2016.
‘Compostela. Un ano de Voz’ organizada en colaboración co Concello de Santiago e a Secretaría Xeral de Medios da Xunta de Galicia poderase ver nos espazos expositivos do Colexio de Fonseca.
A Galería Soho de Vigo fai esta proposta colectiva con obras de artistas como: Angeles Jorreto, Beatriz Ansede, Caíno, Eiravella, Iñaki Matilla, Maribel Mouriño, Miguel Couto, Rosa Ubeda, Ruth Lodeiro, Sonia García e Yolanda Carbajales.
A exposición, comisariada polo director do Museo "Quiñones de León", José Ballesta de Diego, reúne obras de artistas galegos, que maioritariamente traballan en Galicia e especialmente en Vigo, ao redor de 1970.
