Iago Eireos (Lugo, 1980) volve á súa cidade natal cun proxecto expositivo sobre a idea de nación, a través de intervencións artísticas que poñen en diálogo conceptos como memoria, historia, estado, goberno, bandeira, himno, territorio, fronteira, pobo, cultura ou identidade.
A Fundación Barrié acolle, por primeira vez en España, a exposición retrospectiva Norman Parkinson: sempre con estilo. A exposición foi comisariada por Terence Pepper, que foi comisaria de fotografía na National Portrait Gallery de Londres durante máis de 40 anos e ofrece unha ampla retrospectiva sobre a influente carreira de Parkinson, anosando80 fotos que reflicten a transformación da moda feminina e o que contribuíu a dar forma á súa comunicación ao público durante varias décadas.
A sinxeleza e a equidade no collage de Amparo é unha mostra de collages nos que están expostas as obras máis minimalistas de Amparo Segarra, onde hai unha aparente ausencia de narración evidente que nos desafía a interpretar o seu significado.
Ademais, está acompañado de collages de Eugenio Granell, Philip West, e un grupo de artistas do Brasil (Konrad Zeller, Alex Januario), de Chile (Ludwig Zeller e Rodrigo Verdugo) e outras nacionalidades (Artur Cruzeiro, Alex Weiss, Enrique Carlón , Gregg Simpson, Xesús Carballido, Kenneth Cox, Anne Ethuin e G. Bruno).
Recoñecido como un dos representantes da vangarda histórica española, forma parte do movemento surrealista internacional de mediados do século XX. De orixe galega, viviu en primeira persoa a Guerra Civil española, tendo que exiliarse durante a ditadura franquista por mor da súa fonda conciencia política.
Exposición creada a partir do conto "Elisa no mundo das Marabillas". Un conto elaborado integramente polas trinta persoas que conviven no Centro Residencial de APAMP-Asociación de Familias de Persoas con Parálise Cerebral. Do taller artístico xorde este libro, entusiasta e optimista, que se elaborou íntegramente desde o deseño das súas ilustracións ata os textos que as acompañan.
Co outono chega a volta a escola e o reencontro cos amigos. Por iso na sala infantil temos unha exposición sobre a amizade, a cooperación e a resolución de conflitos. Contos e álbumes ilustrados que exploran as complexidades da convivencia.
Ata o 31 de outubro, na Sala Infantil
Libros que ensinan a mirar e a pensar e que nos fan partícipes das historias que esconden. Libros que nos transforman en espectadores e espectadoras activas e fomentan a creatividade.
Esta mostra pretende ser a presentación dun novo centro de interese sobre o tema.
Na sala infantil, pode visitarse durante o horario de apertura da biblioteca.
A imaxe na palabra, cadros que poñen imaxes aos textos.
A palabra na imaxe, textos que poñen palabras aos cadros.
Cadros pintados sobre papel, tinta china e acuarela.
O xerme de esta exposición parte da experiencia como ilustradora de Margarita Viz Blanco.
Data e horario:
16.09.19 ao 01.10.19
Luns a sábado no horario da Biblioteca.
A Federación de Asociacións de Familiares e Persoas con Enfermidade Mental de Galicia (FEAFES) é unha entidade sen ánimo de lucro, creada en 1995, que agrupa actualmente a 14 asociacións repartidas por toda a xeografía galega.
A mostra xurde a raíz dun proxecto que consistiu na elaboración dun disco musical con cancións compostas por persoas con trastornos mentais que contan a súa experiencia en primeira persoa. A raíz dese disco, un grupo de persoas usuarias de Saúde Mental FEAFES Galicia realizou unha serie de pinturas e debuxos para ilustrar o libreto do disco.
Na sala de exposicións da biblioteca.
