Vinte e cinco fotografías de cinco fotógrafos galegos, acompañadas por cinco fragmentos poéticos doutros tantos escritoras e escritores galegos, homenaxeados ao longo do tempo no Día das Letras Galegas, dan corpo a esta mostra que se presentará en formato vídeo.
Nela, as fotografías de Xulio Gil, Anxo Rial, Susi Suárez, Enrique Touriño e Miguel Vidal, convivirán con versos de Curros Enríquez, Rosalía de Castro, Celso Emilio Ferreiro, María Mariño e Manuel María.
O Museo de Pontevedra reabrirá as súas portas prolongando as exposicións que estaban vixentes o pasado 12 de marzo cando a COVID-19 obrigou á clausura: ‘Leopoldo Nóvoa 1919-2019', e ‘Debuxantas. Pioneiras da ilustración', que non puidera ser nin inaugurada e apenas estivo unhas horas aberta ao público.
A institución museística, logo de semanas de trámites e superadas as complicacións iniciais, acordou cos propietarios e depositarios de todas as pezas a permanencia das dúas mostras en Pontevedra ata o 30 de agosto.
Cun ano xa de traxectoria, a exposición 'Galicia con Exin Castillos' do Museo Arqueolóxico de Cambre acaba de sumar un novo elemento, o Torreón dos Andrade (Pontedeume). Esta maqueta foi realizada con case 5.000 pezas deste xoguete de construcción español dos anos 70 e 80 e ven de gañar o 1º premio, na súa categoría, no concurso nacional da Asociación Exin Castillos & West.
Luz Beloso, a autora do cartel da XXXVII MITCFC, é Licenciada en Belas Artes, especialidade de pintura, na Universidade de Salamanca, exerceu de profesora de Educación Plástica e Audiovisual en Galicia desde 1993 no IES As Barxas de Moaña e desde 2019 como profesora de Artes no IES María Soliño de Cangas.
Como pintora e ilustradora, participou en numerosas exposicións nacionais e internacionais e publicacións editoriais:
Alcuños de Redondela (2003). Francisco Sobral. Ed. Cardeñoso. Con Juan Sicilia. ISBN 84-8190-285-3.
A Mostra, organizada desde 1984 pola Asociación Cultural Xiria, cumpre o seu encontro anual co público e faino cun aprazamento de varias semanas das súas datas habituais, coa potenciación do programa de rúa e con todas as adaptacións de espazos e protocolos requiridos no actual contexto de crise sanitaria pola covid-19.
Estreas galegas
O Museo Arqueolóxico e Histórico da Coruña celebra o fin de semana do 20 e 21 de xuño as xornadas europeas de arqueoloxía con visitas gratuitas ao museo e o castro de Elviña. Con ese motivo abre tamén as suas portas o sábado cunha ampliación de horario ata as 0:00h.
Visitas guiadas:
Museo Arqueolóxico e Histórico Castelo de San Antón.
Duración aproximada de 1 hora.
Público: adulto
10 prazas.
Condicións: Será necesaria reserva previa no teléfono 981189850 (ata 2 horas antes do inicio de cada visita). Obrigatorio o uso de marcarilla.
Na exposición virtual «O mar nas coleccións de Arte ABANCA e Afundación» profundamos nestas cuestións a través de obras pertencentes a estas coleccións de arte, incidindo na importancia que o mar ten na vida e a cultura das comunidades humanas.
O monte autóctono galego caracterízase polo seu terreo inculto (sen cultivo ou labor), onde cada pedra ten un nome e cada planta, un uso; e onde en moitos dos seus recunchos xermolaron lendas milenarias que alimentaron a súa identidade. É máis ca paisaxe; é contedor dun rico patrimonio cultural inmaterial. No entanto, a acción do home está a mudar o seu aspecto. Unha metamorfose física evidente coa proliferación de plantas adventicias e foráneas con consecuencias ecolóxicas, na súa estética, nos seus usos e tamén no noso xeito de relacionarnos con el.
Galicia, de Nós a nós será a exposición máis ambiciosa realizada ata o de agora sobre a Xeración Nós. Proponse mostrar ante a sociedade a transcendencia do que, xunto ao Rexurdimento, é probablemente o momento histórico máis relevante de conformación da cultura e identidade galega.
O disco de vinilo foi o estándar da difusión fonográfica ata a chegada do disco compacto a mediados da década de 1980; as súas portadas serviron non soamente para vender os discos, senón tamén para difundir mensaxe, moda ou ideoloxía. Sendo como era un obxecto de consumo masivo, esta mostra mira a carpeta do disco como un elemento máis da arte popular e un medio de expresión privilexiado para deseñadores, ilustradores ou fotógrafos.
