O conselleiro de Cultura, Educación e Universidade, Román Rodríguez, achegouse ao Bosque de Galicia, na Cidade da Cultura, para visitar a intervención artística Espellos realizada polo artista Manolo Paz co obxectivo de afianzar o vínculo deste complexo arquitectónico coa Ruta Xacobea e a cidade de Santiago de Compostela.
Mirar de novo. A muller contra o tempo constitúe unha proposta de reformulación da tradicional mirada ao canon da historia da arte, centrando o foco en creadoras que, contrariamente á tradicional exclusión das mulleres, si obtiveron recoñecemento amplo polo seu traballo. Nesta ocasión, e cumprindo cun dos eixos estratéxicos de Afundación a favor da difusión da cultura e do coñecemento, propoñemos un novo enfoque que permita facernos conscientes da creación feminina, tan frecuentemente ignorada, no panorama artístico desde finais do século XIX ata finais do século XX.
Esta exposición é unha das actividades da Semana de Xornalismo de Opinión e Fotografía Analóxica, unha iniciativa pertencente ao Fondo de proxectos culturais Xacobeo 2021, na que se inclúen diversas propostas:
Posiblemente a todo o mundo sóalle o nome de Concepción Arenal. Todos lembran seguramente o nome dun colexio, dun instituto, dunha rúa ou praza, ou dunha institución pública que leva tal apelativo. Pero sería moito máis difícil atopar alguén que saiba explicar, aínda que sexa en dúas palabras, por que nalgún momento alguén decidiu darlle tal honra á posuidora de tal nome.
O Museo Centro Gaiás da Cidade da Cultura exhibirá de xeito permanente un mural realizado na Arxentina por Luis Seoane, que a Xunta de Galicia vén de recuperar para o patrimonio público. Así o anunciou hoxe o conselleiro de Cultura, Educación e Universidade, Román Rodríguez, na presentación desta peza, unha das poucas testemuñas que se conservan en Galicia da produción muralística deste gran renovador da arte galega do século XX, e impulsor dunha obra gráfica, editorial e empresarial de fonda pegada cultural.
Exposición sobre a vida, a obra e o pensamento de Ricardo Carvalho Calero promovida pola Associaçom Galega da Língua (AGAL) e a Consellería de Cultura e Turismo da Xunta de Galicia.
A mostra, comisariada por Carlos Quiroga e Xosé Luís Rodríguez (USC) foi deseñada co obxectivo de difundir e poñer en valor as dimensións artística, humana e intelectual do autor a quen se lle dedicou este 2020 o Día das Letras Galegas.
A Secretaría Xeral de Política Lingüística e o Fondo de Proxectos Culturais Xacobeo 2021 botan a andar esta mostra con motivo do 25 N, Día Internacional para a Eliminación da Violencia contra a Muller. Comisionada por Neves Seara e Ana Seoane, a exposición está integrada por unha decena de artistas femininas galegas ou residentes en Galicia que pasean a súa busca artística nas cuestións referidas ás súas identidades: de xénero, culturais, feministas, globais, sociais e individuais. Luns pechado.
Do mesmo xeito que en anos anteriores, a convocatoria de 2020 da mostra fotográfica foi impulsada pola USC, Deputación de Lugo e Concello de Lugo ao abeiro do convenio Lugo Cultural.
A exposición Debut 2020. Edición limitada, mostra na área de cristal do Sexto Edificio as creacións de once deseñadoras e deseñadores que finalizaron o Mestrado de Deseño e Dirección Creativa en Moda- ESDEMGA da Universidade de Vigo. Permanecerá aberta desde o 26 de novembro ata o 13 de decembro.
Os traballos que se exhiben son de:
CHAMORRO MISA, REGINA
JUNCAL VIDAL, SABELA
CUERVO MORENO, JAVIER
GUTIÉRREZ SOMOZA, MARTA
CATALINA ESTÉVEZ REGUERA
PENA LESTÓN, DENISE
DIÉGUEZ BAYÓN, NATALIA
MONTENEGRO OMIL, NOEMÍ
Do 3 de decembro ao 24 de xaneiro móstrase no Sexto Edificio unha selección dos máis de nove mil nadais que Xosé Filgueira Valverde foi recibindo de distintas personalidades entre 1936 e 1996.
A exposición, comisariada por Sabela Santos Filgueira, está organizada en tres seccións. A primeira está dedicada a artistas plásticos con nadais con debuxos, acuarelas, linóleos, serigrafías, fotografías… de arquitectos, pintores, escultores e fotógrafos.
