Exposición

Este proxecto en homenaxe á Xeración Nós, con motivo do seu centenario, en 2020, estará exposto do 15 de outubro ao 6 de decembro no Museo do Pobo Galego, un espazo axeitado para lle render homenaxe ao libro, á lingua e á literatura galega.

A exposición concédelle un protagonismo especial á pintura, cunha selección de obras onde o libro é o protagonista. Os cadros forman parte dos fondos da artista, de coleccións particulares de Galicia, Madrid e Portugal, entre outras procedencias.

O Concello de Santiago de Compostela organiza a cuarta Semana do Libro de Compostela coa intención de amosar o potencial editorial e literario da nosa cidade. Unha carpa instalada na Praza da Quintana albergará as propostas dos axentes do sector que así o soliciten. A participación poderá ser compartindo espazo e a tempo parcial para aquelas entidades que así o desexen ou ben por un só día no ‘espazo efémero’.

A exposición 'Concepción Arenal: Bicentenario 1820-2020' poderá verse no vestíbulo do Edificio da Biblioteca e Arquivo de Galicia da Cidade da Cultura ata o mes de decembro. A entrada é gratuíta e poderá visitarse en horario de 10.00 a 20.00 horas.

Mostra bibliográfica para conmemorar o centenario da publicación da Revista Nós: boletín mensual da cultura galega, na Biblioteca Pública da Coruña Miguel González Garcés.

Mostra composta dos libros sobre un dos momentos literarios e creativos máis importantes de Galicia con figuras destacadas como Castelao, Ramón Cabanillas, Otero Pedrayo, Losada Diéguez, Vicente Risco, Francisca Herrera Garrido... ; obras escritas polas autoras e autores, biografías, novelas ambientadas na época, películas, publicacións seriadas.

A Biblioteca acollerá a exposición de carpetas de gravados realizados con diferentes técnicas, todos eles relacionados coa literatura, do artista galego Xosé Poldras.

Ut pictura pöesis?

As relacións entre as imaxes e os textos desta mostra non deben buscarse na ilustración do escrito, nin á inversa cando a carpeta se fixo en convivencia entre gravador e escritora ou escritor. Non hai razón para buscar, fluxos, simetrías, correspondencias, posto que, aínda que se deron, pertencen só á mecánica de traballo, e non a lugares comúns entre o visual e o narrativo.

O Museo do Mar de Galicia (Vigo, Pontevedra) acolle ata o domingo 15 de novembro a mostra 'Museo (do ermitán) Man' que recolle a creación artística de Manfred Gnädinger, máis coñecido como Man de Camelle. Trátase dunha exposiciónna que se rende homenaxe a este artista e na que se recolle a esencia da súa creación entre os anos 1969 e 1978.

O Museo do Viño de Galicia, en Ribadavia, acolle ata o vindeiro mes de abril 'O viño e os Camiños de Santiago', a primeira exposición temporal do museo que se centra na relación do viño e a Ruta Xacobea. A mostra, comisariada por Francisco Singul, está composta por oito paneis de texto e ilustracións que teñen o viño como fío condutor.

A exposición 'Camiños (IN)certos. Paisaxe(s) e territorio(s) dun camiño emocional' na Fundación Camilo José Cela é a nova proposta coa que a Fundación retoma a actividade expositiva que tivo que ser paralizada pola situación sanitaria.

Celeste Garrido Meira ten unha ampla traxectoria en proxectos teóricos e expositivos moi relacionados coa identidade e con cuestións de xénero. A mostra «Os teus ollos din o que a túa boca cala» está deseñada a partir dunha coidada selección de obras en distintos formatos ?na súa maioría de nova produción? que compoñen un relato ao redor da temática do corpo como material, como soporte, como suxeito e como receptor, con especial alusión ao corpo feminino e ao vestido como símbolo.

Caricaturista, debuxante, ilustrador, columnista, escritor, pintor, escenógrafo, ensaísta, historiador, etnógrafo, teórico, político. A exposición reúne unha ampla selección das múltiples facetas desenvoltas polo artista. O proxecto mostra a obra e pensamento dun dos creadores galegos máis singulares dos 5 continentes.