Neste ano que se celebra o centenario da primeira publicación da revista Nós, o museo quere chamar a atención sobre unha parte importante das coleccións do museo como son fondos pétreos de gran tamaño que aínda permanecían na antiga sede. Ademais, preséntanse nun lugar tan emblemático, unido ao traballo de Florentino López Cuevillas, figura singular da xeración Nós, como é o xacemento de San Cibrao das, hoxe Parque Arqueolóxico da Cultura Castrexa (PACC).
A mostra "Galicia a terra dous mil panos. Roupa de levar á vila" está elaborada con bens da colección da Asociación Etnográfica Sete Espadelas, e propón un atractivo achegamento ás pezas de vestimenta tradicional de Galicia.
Mediante unha coidada selección, do total de obras que compoñen a exposición orixinal, a mostra presenta elementos tan singulares como 7 mantones antigos de paisley de espectacular colorido e deseño con máis de 150 anos de antigüidade e panos de cabeza, de bobiné de batista ou tul bordados a man.
A mostra“Elas escribiron a historia. As primeiras xornalistas” da Secretaría Xeral da Igualdade da Xunta de Galicia, recoñece o papel das precursoras galegas da comunicación na loita pola igualdade entre mulleres e homes. Homenaxe ás pioneiras do xornalismo en Galicia.
A mostra repasa a traxectoria de Sofía Casanova, Concha Castroviejo, Emilia Pardo Bazán, Filomena Dato Muruais, María Luz Morales, Mercedes Vieito Bouza, Pura Vázquez Iglesias, Concepción Arenal, Clara Corral Aller, Virginia Felicia Auber, María Vinyals e Avelina Valladares Núñez.
A exposición "A Viaxe dá miña vida" mostra a sensibilidade artística das persoas usuarias da asociación Down Vigo, cun colorista conxunto de tapices elaborados coa técnica do patchwork e inspirados en vivencias persoais
Os tapices foron realizados durante todo o curso pasado dentro do grupo de Habilidades Adaptativas e cada un deles vén acompañado dun cartel no que as autoras e autores preséntanse e contan a vivencia que inspirou a súa obra.
Exposición das imaxes premiadas do 15º Concurso Fotográfico Xurxo Lobato.
A sala de adultos da Biblioteca Ágora acolle a exposición das fotos premiadas e unha selección das mellores imaxes presentadas ao 15º Concurso Fotográfico Xurxo Lobato.
O concurso, organizado pola Asociación de Amigos do Instituto de Monelos, está dirixido ao alumnado de Educación Secundaria, Bacharelato, Formación Profesional e Escolas de Arte de Galicia co obxectivo de promocionar aos artistas noveis e impulsar a fotografía entre a mocidade galega.
Solovki é como se coñecen comunmente en Rusia as illas do arquipélago Solovetsky, na metade do mar Branco. Na zona máis protexida da illa principal, á beira dun porto natural, atópase o complexo ortodoxo do mosteiro Solovetsky, patrimonio da humanidade. Pero Solovki, ademais, foi prisión soviética. Hoxe en día, todo o mundo, habitantes, monxes e autoridades, tratan de enterrar este tráxico pasado. No entanto, os lugares teñen memoria e esa memoria queda impresa nas vidas das persoas que os habitan.
Para conmemorar o aniversario do seu nacemento.
Lugar: vestíbulo da biblioteca.
Poderá visitarse no horario de apertura da biblioteca.
A presente selección bibliográfica ofrece unha síntese da abundante e complexa representación do pensamento filosófico na literatura universal e, alén diso, pretende suxerir unha reflexión acerca da expresión literaria das cuestións filosóficas que configuran a nosa vida intelectual. A mostra Filosofía na Literatura está, en consecuencia, dirixida a todos aqueles interesados nese encontro entre a literatura e o pensamento filosófico, convidando a coñecer a obra daqueles que emprenderon o labor de pensar a literatura ou de narrar a filosofía.
Tomando como fonte principal a estupenda monografía de M.ª Victoria Carballo-Calero titulada «La ilustración en la revista "Nós"» , na mostra expóñense reproducións das portadas e ilustracións da senlleira revista ourensá, acompañadas de textos explicativos. Ademais, atoparás dispoñíbeis para consulta todos os números da revista en edición facsímil.
Co gallo da celebración do Día da Lingua Materna, o 21 de febreiro, propoñemos una selección de libros infantís en diferentes linguas.
Pode visitarse na sala infantil durante o horario de apertura da biblioteca.
