Aproveitando que se aproxima o Nadal, presentamos na sala infantil unha selección de títulos recomendados da literatura infantil nos que os protagonistas das súas historias son animais festexando e desfrutando do Nadal.
Pode visitarse na Sala infantil durante o horario de apertura da biblioteca.
Na biblioteca sabemos que no mundo enteiro existen moitos xeitos de celebrar o Nadal. Na mostra bibliográfica de Nadal Diferente atoparedes unha recompilación de exemplares con diversas maneiras de celebrar as festas, para alimentar así a idea de igualdade nos nenos e nenas.
Pode visitarse na Sala infantil durante o horario de apertura da biblioteca.
Recomendacións do persoal da biblioteca de lecturas de banda deseñada que están entre as nosas favoritas.
Pode visitarse na zona da hemeroteca (andar baixo) durante o horario de apertura da biblioteca.
A exposición Machadas. Cinco vidas, unha historia, que se pode ver no edificio Sarmiento dende o 26 de outubro ao 2 de febreiro, ofrece unha aproximación á metalurxia e aos depósitos metálicos da Idade do Bronce Final na fachada atlántica europea partindo dun conxunto de artefactos da colección arqueolóxica da Universidade de Santiago de Compostela. Está promovida polo Consello Superior de Investigacións Científicas (CSIC) a través do Instituto de Ciencias do Patrimonio (Incipit).
A mostra AMAR A MAR, que parte do 50 aniversario do Museo Provincial do Mar e que é produto dun traballo en comunidade, está composta de catro exposicións e múltiples actividades complementarias que navegarán desde o 16 de novembro até o 8 de marzo e que completan unha ollada da mariña lucense, desde a costa ao interior.
Coa chegada destas datas ofrecémosvos unha exposición de contos e libros relacionados co nadal. Poderedes atopala ao fondo da sala infantil e xuvenil a partir do 2 de decembro e ata o 7 de xaneiro.
Achégate á biblioteca, onde preparamos unha selección de obras literarias que descubran aspectos novos do Nadal, que axuden a crear adornos especiais ou descubrir novos pratos... Tamén atoparás contos, música, películas, series de televisión, todo o que poderás pedir, ou mellor levar en préstamo para pasar un Nadal diferente.
Lugar: no vestíbulo da biblioteca
Os Camiños que conducen a Compostela ". . . Teñen unha "fin" física perfectamente delimitada. Todos finalizan ante o sepulcro do discípulo amigo de Xesús, Santiago o Maior ou Santiago o Peregrino. . . ".
Exposición con fotos de Eduardo Ochoa e Carlos Puga, os textos son de Xulio Xiz.
Horario de apertura da biblioteca.
“A voz presente”, lema da exposición, dá sentido a unha mostra na que a palabra de Carvalho ten todo o protagonismo. A través da súa propia voz, dos seus escritos e das entrevistas concedidas, a presenza do autor materialízase en cada un dos espazos que conforman a exposición, comisariada por José Luis Rodríguez e Carlos Quiroga. Así, o relato expositivo vén guiado sempre polas palabras “literais” do autor e os textos son extractos da súa obra ou das súas intervencións, respectando en todo momento a opción ortográfica escollida por el.
No marco do Encontro Internacional de Cadernos de Viaxe Compostela Ilustrada, cada ano deséñase un proxecto con ilustradoras co obxectivo de poñer en valor o papel da muller no mundo da arte. Nesta cuarta edición, a artista seleccionada foi a asturiana Catalina Rodríguez, coa finalidade de levar a cabo un ambicioso proxecto que a levaría a percorrer e debuxar o Kumano Kodo e o Camiño de Inverno.
