A Biblioteca de Galicia amosa na entrada das súas instalacións, na Cidade da Cultura, a exposición Pobre Asunción!: a violencia de xénero na prensa, na que se recompila o tratamento da violencia machista na prensa desde o século XIII ata os nosos días.
Noroeste cuarta Oeste: roteiros de ficción é unha singradura a través de temas e obras literarias, cinematográficas, televisivas ou escénicas da nosa contemporaneidade. En modo de navegación polo Atlántico percorremos a ficción galega en diálogo coa do Norte de Portugal.
A Agrupación Astronómica Ío, coa colaboración do Concello da Coruña e os Museos Científicos Coruñeses, organiza esta exposición formada por doce paneis que celebran o centenario da Unión Astronómica Internacional e repasan un século de descubrimentos astronómicos.
A exposición poderá verse durante as próximas semanas na contorna da Casa das Ciencias, no Parque de Santa Margarita.
A Secretaría Xeral de Política Lingüística e o Fondo de Proxectos Culturais Xacobeo 2021 botan a andar esta mostra con motivo do 25 N, Día Internacional para a Eliminación da Violencia contra a Muller.
Comisionada por Neves Seara e Ana Seoane, a exposición está integrada por unha decena de artistas femininas galegas ou residentes en Galicia que pasean a súa busca artística nas cuestións referidas ás súas identidades: de xénero, culturais, feministas, globais, sociais e individuais.
Horarios:
Homenaxe dentro da Semana do Cine de Lugo. Consulta máis información premendo aquí.
Na sala de exposicións da Biblioteca.
Este proxecto en homenaxe á Xeración Nós, con motivo do seu centenario, en 2020, estará exposto do 15 de outubro ao 6 de decembro no Museo do Pobo Galego, un espazo axeitado para lle render homenaxe ao libro, á lingua e á literatura galega. A exposición concédelle un protagonismo especial á pintura, cunha selección de obras onde o libro é o protagonista. Os cadros forman parte dos fondos da artista, de coleccións particulares de Galicia, Madrid e Portugal, entre outras procedencias. Contará cunha sección de libros intervidos.
Este ano decidimos facer dúas mostras bibliográficas en torno á ciencia. Así poderedes atopar unha centrada en libros, películas e demáis documentos que falen de virus e pandemias, dos que xa somos case tod@s uns expertos, e outra na que seleccionamos obras con curiosidades, anécdotas, inventos ... porque a ciencia ao fin está en todo o que nos rodea.
Vinde a velas no primeiro andar da Biblioteca!!
Do 29 de outubro ao 24 de xaneiro permanecerá aberta no claustro do edificio Sarmiento a exposición de Mestras e Mestrados realizada polo Museo de Pontevedra en colaboración coa Universidade de Vigo, con motivo da celebración do 30 aniversario da Facultade de Belas Artes de Pontevedra.
Esta mostra reivindica a igualdade entre homes e mulleres e a concienciación social visualizando a posición de asimetría e discriminación da muller nas distintas sociedades, xerme da violencia machista. Nesta exposición de poesía visual o obxecto fala por si mesmo, precisando apenas un texto explicativo.
As bonecas elixidas para o proxecto interviñéronse para amosar situacións de desigualdade, violencia e discriminación e recalcar a importancia do xogo na educación e na formación de nenas e nenos, así como na transmisión de valores.
A Fundación Carlos Casares, dentro do marco de actividades culturais que desenvolve no Concello de Vigo, abre a exposición “Galicia escandinava. O Camiño do Oeste a Santiago de Compostela”.
A mostra poderá visitarse do 4 ao 24 de novembro na sala de exposicións da Delegación Territorial da Xunta en Vigo (Concepción Arenal 8, baixo) e está destinada a todos os públicos. A exposición formou parte do programa O teu Xacobeo, da Xunta de Galicia, que percorreu xa os concellos de Carral, Catoira, Nigrán, Ourense e Xinzo de Limia.
