Do 29 de outubro ao 24 de xaneiro permanecerá aberta no claustro do edificio Sarmiento a exposición de Mestras e Mestrados realizada polo Museo de Pontevedra en colaboración coa Universidade de Vigo, con motivo da celebración do 30 aniversario da Facultade de Belas Artes de Pontevedra.
Esta mostra reivindica a igualdade entre homes e mulleres e a concienciación social visualizando a posición de asimetría e discriminación da muller nas distintas sociedades, xerme da violencia machista. Nesta exposición de poesía visual o obxecto fala por si mesmo, precisando apenas un texto explicativo.
As bonecas elixidas para o proxecto interviñéronse para amosar situacións de desigualdade, violencia e discriminación e recalcar a importancia do xogo na educación e na formación de nenas e nenos, así como na transmisión de valores.
A Fundación Carlos Casares, dentro do marco de actividades culturais que desenvolve no Concello de Vigo, abre a exposición “Galicia escandinava. O Camiño do Oeste a Santiago de Compostela”.
A mostra poderá visitarse do 4 ao 24 de novembro na sala de exposicións da Delegación Territorial da Xunta en Vigo (Concepción Arenal 8, baixo) e está destinada a todos os públicos. A exposición formou parte do programa O teu Xacobeo, da Xunta de Galicia, que percorreu xa os concellos de Carral, Catoira, Nigrán, Ourense e Xinzo de Limia.
A exposición consta de 131 fotografías orixinais en distintos formatos representativas dos principais gabinetes da cidade. Retratos de homes, mulleres e nenos, individuais e en grupo. Tamén, un conxunto de obxectos ata completar case 180 pezas, entre as que caben suliñar miniaturas e daguerrotipos, ademais pezas da época. Contextualiza física e cronolóxicamente, catro reproducións fotográficas das rúas da Coruña e dúas grandes vistas da cidade que enmarcan o periodo estudado.
Un paseo pola historia da Coruña, elevando a vista ao ceo e viaxando polas siluetas dos seus edificios. Unha serie de fotografías divididas en dúas épocas: a modernista e a actual.
Reactívase a actividade cultural presencial en NORMAL coa inauguración da exposición "Un lugar común. Derivas do deseño e da arte contemporánea", comisariada por David Barro, historiador da arte e do deseño.
A distancia da imaxe transforma as Torres Hejduk da Cidade da Cultura nun depósito de imaxes, pegadas e memorias do Camiño de Santiago, a través dun rexistro fotográfico e sonoro que convida a reflexionar sobre as miradas e os relatos da experiencia do Camiño. Esta proposta creativa do Colectivo Cantz –formado polos artistas visuais Felipe Romero, de Colombia, e Marius Ionut Scarlat, de Romanía– resultou gañadora do VII Concurso de Intervencións Artísticas nas Torres Hejduk, convocado entre os e as participantes do Encontro de Artistas Novos Cidade da Cultura (EAN) 2019.
Exposición que busca visibilizar, dar exemplo e empoderar a persoas tras, a través da biografía de diversos referentes do colectivo.
A Concellería de Benestar Social, Igualdade e Participación do Concello da Coruña presenta "Outubro Trans", o programa para a visibilización da situación das persoas Trans e das súas demandas con motivo do Día Mundial da Despatoloxización Trans.
Na comicteca da biblioteca (andar 0) podedes visitar a mostra bibliográfica dos libros que temos do autor de comics Ourensán, David Rubin.
O Museo de Belas Artes da Coruña presenta a súa primeira exposición de moda, Vestir Épocas. 1860-1960. A Colección González-Moro, coa que pon en relevo o valor da costura dentro da arte. A través dun percorrido por máis de trescentas pezas nunca expostas no seu conxunto, o espectador ten ocasión de adentrarse nos usos e costumes que transitaron dende mediados do século XIX ata mediados do século XX.
