Dende as montañas dos Ancares e O Courel baixa cara a biblioteca o vello carboeiro, o chamado Apalpador, quen traia castañas asadas as nenas e nenos que tiñan fame naqueles tempos de inverno. Agora, cando abrimos as castañas, céibanse contos que alimentan o coñecemento da riqueza dos nosos soutos e carballeiras, regatos, e das penedas das fervenzas.
Para nenas e nenos de 3 a 12 anos.
No salón de actos, entrada libre ata completar a capacidade da sala.
Todas as letras xuntiñas viaxan e xogan dentro da miña Maletra. E cando a abro, todas corren para fóra bailando e formando palabras que xogan á roda e cóntanme ao ouvido fermosas historias que levan tempo andando polo mundo, de boca en boca, de soño en soño.
Para nenos e nenas de 3 a 12 anos.
No salón de actos, entrada libre ata completar a capacidade da sala.
Unha Rosalía nena irá debullando a súa vida entre versos, cancións e soños. Quen mellor que ela para facelo?
Un achegamento ao mundo infantil da nai das nosas letras, a Rosalía defensora da muller, da súa terra, reivindicativa, divertida…
Para nenos e nenas de 3 a 12 anos.
No salón de actos, entrada libre ata completar a capacidade da sala.
Hamelín é atacada pola era tecnolóxica e só nenas e nenos conseguen fuxir e comezar a gozar da vida sen móbiles, ordenadores ou calquera outro tipo de artiluxio.
Escoitaremos as aventuras dun destes rapaces, o Traxugas, nunha antiga vila rural.
Para nenos e nenas de 3 a 12 anos.
No salón de actos, entrada libre ata completar a capacidade da sala.
Margarita Castro e Mª José Pardo, participantes do Programa de Voluntariado Cultural da Rede de Bibliotecas de Galicia, comparten o seu tempo de xeito altruísta lendo contos aos nenos e nenas presentes para achegalos ao mundo dos libros e promover o interese pola lectura.
Sala Infantil. Entrada libre ata completar a capacidade da sala.
A biblioteca cede o espazo para acoller o recital poético Aquel deus, aquelas escuridades de Carlos Arias e Xoán Paulo Jouvencel.
No salón de actos, a entrada é libre ata completar a capacidade da sala.
Unha pequena historia onde as formas, as cores e os sons son protagonistas facendo que os sentidos se esperten.
Idade: de 0 a 3 anos.
Duración: 30 minutos.
Calquera papá ou mamá pasamos por ese momento. Ese terrible momento de quitarlle o cueiro ao noso bebé. Con este contacontos trataremos de darvos ideas. Xogos, cancións e mesmo bailes para que, cando chegue a hora, podamos ter máis dun recurso.
Idade: de 0 a 3 anos.
Duración: 30 minutos.
Inscrición previa.
As folerpas de neve cobren a paisaxe e convértena nun precioso manto branco, que non durará moito xa que os nosos animais o cubrirán coas súas pegadas para iniciar unha viaxe misteriosa cara un ano novo. Teremos que acompañar a un exército de pitas que busca vinganza, a unha formiga cantante, a un gato saltarín e a moitos animais máis que nos axudarán a combater o frío e que precisarán da nosa axuda para resolver os seus problemas. Súmate a esta viaxe!
Idade: de 3 anos en adiante.
Duración: 45 minutos.
Xa chega a noite máis máxica do ano. Polo Nadal as historias enchen a boca de mel e xenxibre. Contos de caixas cheas de sorpresas, viaxes longas e soños inmensos.
