A cargo de Ángeles Goás. Os contos recollidos nesta sesión son historias de vida que nos falan dos medos que conviven con nós no día a día, que nos moven ou nos paralizan. Aínda así eles non teñen a última palabra, porque o medo é libre, si..., pero nós podemos decidir que grao de liberdade queremos darlle.
Espectáculo de música, contos e moita cor que percorre o fantástico mundo da imaxinación a través da estimulación temperá e o xogo. Con moitas sorpresas para todos os asistentes.
Duración: 30 min.
De 0 a 3 anos.
Inscrición previa.
Nano está medrando moi apresa, xa sabe facer moitas cousas el so, pero non quere deixar de usar o cueiro. Ás veces xogando todo parece máis sinxelo e divertido, para usar o penico, Nano montará un
circo… Duración: 35-40 min aprox. De 0 a 3 anos.
Inscrición previa.
Aforo: 25 nenos/as acompañados cada un por un adulto.
Se en "Fabrica de contos" dábanos un paseo polo laboratorio da mesma onde se fabrican os contos, esta nova sala lévanos a dar co final dos contos, o verdadeiro final. Que é dos contos unha vez fabricados no laboratorio? De novo estou sen axudantes así que os visitantes a fabríca serán os que se aventuren comigo para tomar a decisión máis importante dos contos... o final. Duración: 45 minutos.
A partir de 3 anos. Inscrición previa.
Aforo: 35 nenos/as.
Sesión de contos máis obradoiro de debuxo a cargo de Polo Correo do Vento.
Na sala de obradoiros da biblioteca.
O Museo encherase de misterio da man de Enrique Mauricio e Carlos Taboada, voz e ilustrador, respectivamente, dos contos de Polo Correo do Vento. Achegarannos a unha das historias da intrépida detective Peregrina, que tentará resolver un misterioso caso.
Rematado o conto, os cativos e cativas poderán participar nun obradoiro de debuxo guiados da man do ilustrador, así como ir ver os auténticos torques do museo.
Contos, xogos e cancións para gozar en familia.
Na ludoteca, para 20 nenos e nenas de 0 a 3 anos con un acompañante por cada un.
Este contacontos mestura sombras chinescas, narración oral e kamishibai. Coñeceremos a osa Maruxiña, que escribe poemas na súa lingua materna. Desde moi pequena escoita a lenda da biblioteca máís antiga do mundo, e cando medra busca o valor para facer unha viaxe e atopala. Alí encontrará os textos de María Mariño, Fany Garrido, Rosalia de Castro e doutras mulleres importantes para Galicia.
Raquel Galavís visítanos de novo con Nano, que xa é maior e dá grandes chimpos de ra. Nona, a súa irma pequena, non sabe; cae e Nano e rise dela. Nano ten ciumes de Nona, pensa que agora todos os agarimos son para ela. Nona para aquí, Nona para alá... Quere volver ser pequeno outra vez…
Xoves 14 de decembro ás 18 h. Precísase convite. Podedes retirar ou reservar os convites dende o sábado anterior ás 10 h, na Sala infantil ou no teléfono 988 78 83 95.
Nesta viaxe con Raquel Galavís mergullámonos nunha historia interactiva acompañados dos sons do universo e as verbas das estrelas, para descubrir como se formaron os planetas e a nosa terra.
Xoves 23 de novembro ás 18 h. Precísase convite. Podedes retirar ou reservar os convites dende o sábado anterior ás 10 h, na Sala infantil ou no teléfono 988 78 83 95.
