Contacontos/Narración oral

Un país de contos cheos de sons nos que os bebés poderán sentir multitude de hermosas sensacións.

Contiños cheos de sorpresas e emocións onde nada é o que parece. Contos de festa e historias miudiñas para pequenos navegantes.

Idade: de 0 a 3 anos.

Duración: 30 minutos.

É necesario recoller invitación.

Sesión dedicada á historia dos tres porquiños: como constrúen a súa casa e gañan ao lobo mostrando ser máis astutos que el. Os nenos crearán unha máscara para ser o porquiño ou o lobo e despois representarán un pequeno diálogo da obra co vocabulario que aprendemos.

Hoxe o recuncho de pensar está un pouco revolucionado. As tías de Migueliño decidiron ir hoxe a pensar un agasallo para o seu sobriño que vai estar de aniversario.

Tirando do fío é unha invitación a aloumiñarse, a adiviñar, a escoitar sons e a cantar, a xogar, a confiar ... pero tamén a tirar dos fíos das historias que se enredan nas nosas orellas e mans. Tiramos do fío?

 Idade: de 0 a 3 anos.

Duración: 35 minutos.

É necesario recoller invitación. 

Contacontos en Inglés para nenas e nenos de tres a oito anos. 

As storytimes son representacións teatrais 100% en inglés. A través de distintos personaxes, cancións transportamos a os nenos e nenas a un mundo cheo de fantasía.

Sinopse de "The elf's inventions":

Papá Noel é un home moi ocupado e por iste motivo Duster, un dos seus elfos, creou dous novos inventos para axudalo: o Freezifier e o Bad- O - Meter. Conseguirán os inventos de Duster salvar o Nadal? Ou o estragarán?

Entrada de balde ata completar de aforo.

Integrantes da Federación de Asociacións de Persoas Xordas de Galicia, FAXPG, achénganos divertidas historias na lingua de signos, interpretadas tamén para nenos oíntes. 

HORARIO: 12 H.

Grazas á música, o bardo Abelardo conseguiu traducir á linguaxe dos humanos os sentimentos dos seres que habitan no fondo das fragas, dos ríos e dos mares. Como a súa cabeza está chea de paxaros, voa de vila en vila e de cidade en cidade contando e cantando contos e historias.

Para nenos e nenas de 6 a 12 anos.

Salón de actos. Entrada libre ata completar a capacidade da sala.

Poñemos nos zapatiños de todas as nenas e nenos contos feitos de maxia e ilusión. Cantamos panxoliñas e contamos historias que falan do sentido destas datas e que ás veces son divertidas, outras sorprendentes… Contos de árbores de Nadal, de bonecos de neve, de Reis, de cousas imaxinadas que seguramente algún día serán realidade.

Para nenos e nenas de 3 a 12 anos.

Salón de actos. Entrada libre ata completar a capacidade da sala.

Algarada de contos argalleiros, cantos, risas e tambores. Mi madriña! que festeiros! Brincos, berros e tremores.
 
Para nenos e nenas de 3 a 12 anos.

Salón de actos. Entrada libre ata completar a capacidade da sala.