Santiago de Compostela, 11 de agosto de 2024

A Xunta de Galicia incorpora os cinco primeiros profesionais do sector cultural e editoriais á delegación galega que participará do 30 de novembro ao 8 de decembro na Feira internacional do Libro (FIL) en Guadalaxara, México. Trátase dunha iniciativa que permitirá levar e difundir a cultura galega no evento editorial profesional máis relevante de Iberoamérica, cita que conta este ano con España como convidada de honra baixo o lema Camino de ida y vuelta.

Vigo, 10 de agosto de 2024

A Dirección Xeral de Patrimonio Cultural, dependente da Consellería de Cultura, Lingua e Xuventude, vén de informar favorablemente ao Concello de Vigo sobre o proxecto para a  implantación de medios mecánicos de transporte peatonal no Paseo de Granada en Vigo.

Santiago de Compostela, 10 de agosto de 2024

A Xunta de Galicia destina 200.000€ a colaborar con 46 proxectos na edición en lingua galega de recursos didácticos para niveis non universitarios este 2024. Así se recolle na resolución da convocatoria na que se inclúen catro empresas editoras con sede en Galicia.

Rois (A Coruña), 9 de agosto de 2024

A delegada da Xunta na Coruña, Belén do Campo, xunto ao alcalde de Rois, Ramón Tojo, participou nunha das actividades organizadas dentro do ciclo CulturON, campaña de verán do Goberno galego cunha ampla oferta cultural e que, na comarca de Santiago, oferta case 500 actividades en 20 concellos das cales seis teñen lugar neste municipio coruñés.

Santiago de Compostela, 9 de agosto de 2024

A Xunta de Galicia convida ás familias a pechar o verán por todo o alto cunha das citas imprescindibles do ocio en conxunto. A Cidade Imaxinaria regresa por duodécima vez á Cidade da Cultura o vindeiro 7 de setembro para mergullar a pequenos e maiores na ilusión dunha xornada que concentra maxia, música, xogos e circo desde as 16,00h ata as 20,00h con entrada libre e de balde.

Vilanova de Arousa (Pontevedra), 8 de agosto de 2024

O conselleiro de Cultura, Lingua e Xuventude, José López Campos, participou hoxe na apertura da carpa da XXX Festa do Mexillón e o Berberecho de Vilanova de Arousa, unha cita que destacou como “unha posta en valor da nosa riqueza gastronómica e dun sector, o do mar, que é clave na cultura e identidade de Galicia”.

Santiago de Compostela, 8 de agosto de 2024

Vilagarcía de Arousa (Pontevedra), 7 de agosto de 2024

O conselleiro de Cultura, Lingua e Xuventude, José López Campos, participou hoxe na presentación da novena edición do Festaclown, que regresa a Vilagarcía de Arousa do 19 ao 24 de agosto con humor e circo. Unha aposta, tal e como destacou o representante da Xunta, “por valerse destas artes como ferramenta para a concienciación social”.

Santiago de Compostela, 7 de agosto de 2024

Os concertos desta semana de Atardecer no Gaiás, ciclo impulsado pola Consellería de Cultura, Lingua e Xuventude, a través da Fundación Cidade da Cultura, apostan pola fusión de estilos musicais coas actuacións da banda catalana Faneka —o xoves 8 de agosto—, e o dúo arxentino-malagueño Cosmic Wacho, o venres día 9. Ambas citas serán ás 21,00 horas na Praza central do Gaiás, con entrada libre e de balde.