Sober (Lugo), 23 de agosto de 2024
A Xunta de Galicia acaba de iniciar unha nova fase de escavación no xacemento arqueolóxico de Proendos, en Sober, onde a finais do pasado ano se consolidou o primeiro hórreo romano con disposición dos muros en paralelo que se coñece no noroeste da Península Ibérica. Os traballos contan cun investimento de 17.800 euros.
Culleredo (A Coruña), 22 de agosto de 2024
O conselleiro de Cultura, Lingua e Xuventude, José López Campos, asistiu hoxe ao Festival Castelo Conta, en Culleredo, onde compartiu co público do festival esta celebración da cultura rural, a lingua, a comedia e a tradición oral, que é xa un referente na nosa Comunidade. Un ano máis, o Goberno galego colabora na súa organización como parte da campaña CulturON, coa que está a impulsar a oferta cultural durante os meses de verán con máis de 30 actividades diarias en máis de 200 municipios de toda Galicia.
Monforte de Lemos (Lugo), 21 de agosto de 2024
O director xeral de Cultura, Anxo M. Lorenzo, participou hoxe na inauguración da Feira do Libro de Monforte de Lemos, última parada do circuíto impulsado pola Xunta e a Federación de Librarías de Galicia que chega ao seu fin tras percorrer 13 concellos galegos. No encontro, o representante do Goberno galego destacou o papel fundamental que supoñen estas propostas de cara á dinamización da lectura e animou aos asistentes a desfrutar do completo programa de actividades.
Montederramo (Ourense), 21 de agosto de 2024
Campo Lameiro (Pontevedra), 21 de agosto de 2024
O conselleiro de Cultura, Lingua e Xuventude, José López Campos, apelou hoxe á “responsabilidade e tarefa compartida” da Administración e da sociedade no coidado do noso patrimonio por ser “un dos maiores tesouros que conforman a identidade cultural de Galicia”. Fíxoo na que foi a súa primeira visita como máximo responsable deste departamento da Xunta ao Parque Arqueolóxico de Arte Rupestre, situado no municipio pontevedrés de Campo Lameiro.
O Grove (Pontevedra), 20 de agosto de 2024
O conselleiro de Cultura, Lingua e Xuventude, José López Campos, anunciou hoxe que a Xunta terá lista “despois do verán” a orde de creación da Rede Adival de dinamización cultural no rural de Galicia, “un proxecto que chegará a todo o territorio e no que ninguén quedará fóra deste circuíto, independentemente do seu lugar de residencia ou idade”.
Santiago de Compostela, 20 de agosto de 2024
A artista Bewis de la Rosa, impulsora do rap rural, e o dúo galego ALARIDO subirán esta semana ao escenario de Atardecer no Gaiás. O ciclo de concertos ao aire libre, impulsado pola Consellería de Lingua, Cultura e Xuventude a través da Cidade da Cultura, continúa este xoves e venres con dúas propostas multifacéticas, innovadoras e descaradas para bailar coa posta do sol. Os concertos serán ás 21,00 horas na Praza central da Cidade da Cultura, con entrada libre e gratuíta.
XVIII Edición do Festival Arteficial ( 6 e de Setembro de 2024)
- VENRES 6 DE SETEMBRO:
19:00 - 20:00. Inauguración Exposición “Escola Sinsal, historias da música gravada” no Museo Etnolóxico
20:00-21:30 Picada de discos con cassetes. Na praza García Boente
- SÁBADO 7 DE SETEMBRO:
12:00-12:40 DESFILE CABEZUDOS E GRUPO GAITAS “AIRIÑOS” Desde a Igrexa de San Francisco , pasando pola rúa Progreso, ata a Praza Madalena pasando pola Praza Maior.
Un ano máis, Nigrán acolle o V Festival de Percusión Afrobrasileira "Apertuke", organizado pola Asociación de Percusionistas e Tamborileir@s APERTA, coa colaboración do Concello de Nigrán e da Deputación de Pontevedra.
O evento terá lugar os días 31 de agosto e 1 de setembro no complexo deportivo municipal "Dunas de Gaifar" en Panxón.
Poio (Pontevedra), 17 de agosto de 2024
O conselleiro de Cultura, Lingua e Xuventude, José López Campos, referiuse hoxe ao legado de Alexandre Bóveda como “un referente para todos os galegos e galegas”. Fíxoo na celebración do Día da Galicia Mártir, que tivo lugar este sábado na localidade de Poio, coincidindo co pasamento de Bóveda, e na que participou acompañado polo secretario xeral da Lingua, Valentín García.
