Santiago de Compostela, 27 de maio de 2024

A Xunta financiará con 200.000 euros as obras de mantemento do edificio Círculo das Artes de Lugo, inmoble construído polo arquitecto Luis Bellido no ano 1898 e que conta coa consideración de carácter histórico. Catalogado cun nivel de protección 2, posúe un papel relevante na vida cultural da cidade pola súa ampla e variada actividade dinamizadora.

Santiago de Compostela, 27 de maio de 2024

O Conselleiro de Cultura, Lingua e Xuventude, José López Campos, asistiu hoxe no Teatro Principal de Santiago á representación do espectáculo Noso de Os Náufragos Teatro. Trátase dunha das actividades previstas para a primeira xornada de Galicia Escena PRO, a feira promovida pola Xunta de Galicia e a asociación Escena Galega para favorecer a contratación de espectáculos galegos por parte de espazos culturais, circuítos e mostras de dentro e fóra da nosa Comunidade.

Santiago de Compostela, 27 de maio de 2024

A Dirección Xeral do Patrimonio da Xunta de Galicia acaba de autorizar ao Concello de Santiago a modificación do Plan especial de protección e rehabilitación da Cidade Histórica de Santiago de Compostela para incorporación no seu Catálogo, como elemento específico, á pintura mural de Urbano Lugrís, realizada en 1954 e que está situada no baixo dun inmoble da rúa do Franco.

Ribadavia (Ourense), 27 de maio de 2024

O director xeral de Cultura, Anxo M. Lorenzo, presentou hoxe na Casa do Concello de Ribadavia a oitava edición de No bico un cantar, unha proposta apoiada pola Xunta de Galicia que reunirá este venres a un coro de máis de 350 nenos e nenas para homenaxear a Xeración Nós coa interpretación de poemas de Otero Pedrayo, Risco ou Álvaro de las Casas.

O Porriño (Pontevedra), 25 de maio de 2024

O conselleiro de Cultura, Lingua e Xuventude, José López Campos, asistiu hoxe á colocación da estrela ao cinesta David Trueba que lle concede o Festival de Cans na súa vixésimo primeira edición.

Santiago de Compostela, 25 de maio de 2024

O conselleiro de Cultura, Lingua e Xuventude, José López Campos, participou hoxe na asemblea do Padroado do Museo do Pobo Galego, na que foi a súa primeira xuntanza como patrón institucional da entidade en representación da Xunta da Galicia.

Na reunión tratáronse os temas corrrespondentes desta sesión ordinaria relativos á xestión da institución, ademais de proceder ao finalizar a impoñer a insignia de ouro do Museo a dous patróns numerarios, Manuel Caamaño Suárez e Xosé Manuel González Reboredo.

O Porriño (Pontevedra), 24 de maio de 2024

O conselleiro de Cultura, Lingua e Xuventude, José López Campos, visitará esta tarde o Festival de Cans para percorrer os diferentes escenarios da aldea do Porriño na que se está a desenvolver esta cita co audiovisual galego e comprobar en directo o ambiente festivo que a caracteriza.

Santiago de Compostela, 24 de maio de 2024

A Catedral e o mosteiro de San Martiño Pinario en Santiago de Compostela exhibirán a partir do 13 de xuño unhas 170 pezas de arte sacra realizas por artistas de renome como Murillo ou Salvador Carmona, que forman parte da exposición itinerante Las edades del hombre. Hospitalitas. Este ciclo expositivo chega á súa vixésima sétima edición contando por vez primeira cunha dobre sede, que será compartida con Villafranca del Bierzo nos espazos da igrexa de Santiago e a colexiata de Santa María.

Bergondo (A Coruña), 24 de maio de 2024

O Pazo de Mariñán, en Bergondo, acolle hoxe a sesión de apertura das II Xornadas da Academia Galega de Teatro, que contan co apoio económico da Xunta de Galicia para a súa celebración arredor do debate sobre o actual sistema de programación escénica que se lle ofrece ao público desde as entidades locais galegas. 

Madrid, 22 de maio de 2024

O director da Casa de Galicia en Madrid, Javier Vázquez, participou na presentación da XI Edición do Festival Bal y Gay, referente de música clásica en España polas súas excelentes propostas artísticas en espazos emblemáticos da Mariña (Lugo).

No acto estiveron presentes o director xeral de Cultura da Xunta, Anxo Lorenzo;  Alba Rodríguez, directora do festival; Enrique Rodríguez Baixeras, presidente da Fundación Xesús Bal y Gay; e  Sonia Mulero, directora da Fundación Banco Sabadell.