A Coruña, 30 de maio de 2024

O director xeral de Cultura, Anxo M. Lorenzo, inaugurou hoxe no Museo de Belas Artes da Coruña a exposición Doazóns 2015-2023, na que se amosan 100 obras de artistas galegos do século XX — excepto dúas do século XVII— provenientes de 16 particulares que doaron nestes últimos oito anos pezas de importantes creadores, como  Sotomayor, Laxeiro, Elena Gago, María del Carmen Corredoira ou Xaime Quesada, entre outros.

Santiago de Compostela, 30 de maio de 2024

O conselleiro de Cultura, Lingua e Xuventude, José López Campos, presentou esta mañá o Festival IKFEM, centrado na música relacionada cos instrumentos de teclado, e que celebra a súa 12ª edición do 17 ao 21 de xullo en Tui e Valença do Minho co apoio da Xunta de Galicia. O evento transfronteirizo, que une o talento artístico da península, contará con actuacións en enclaves de especial interese patrimonial como a Igrexa de Santo Domingo de Tui.

A Coruña, 29 de maio de 2024

O secretario da Lingua, Valentín García, participou hoxe na presentación de Toponimízate. Falámosche dos nomes da túa terra, a campaña da Xunta de Galicia e a Real Academia Galega para divulgar a importancia de salvagardar o patrimonio inmaterial que atesoura a toponimia galega. Trátase dunha iniciativa que inclúe a aplicación Galicia Nomeada, na que os colaboradores poden achegar nomes de lugares, montes, leiras, fontes, camiños, regos, devesas e outros microtopónimos dos que teñan constancia.

Zaragoza, 29 de maio de 2024

A directora xeral de Patrimonio Cultural, Mª del Carmen Martínez, participou hoxe en Zaragoza na xornada Patrimonio Cultural Aragonés. El valor de nuestras raíces, á que foi convidado o Goberno galego xunto co de Castela e León, A Rioxa e Navarra para tomar parte nunha mesa redonda. Os responsables de patrimonio das tres Comunidades, xunto coa anfitrioa, puxeron en común cuestións relacionadas co Camiño de Santiago.

Santiago de Compostela, 29 de maio de 2024

O conselleiro de Cultura, Lingua e Xuventude, José López Campos, garantiu hoxe no Parlamento de Galicia que o Goberno galego continuará desenvolvendo e fortalecendo os vínculos coa lusofonía. Fíxoo en resposta a unha interpelación no Pleno do Parlamento de Galicia, onde destacou o traballo que se está levando a cabo no seu departamento para “espremer ao máximo as oportunidades” que brindan o galego e o portugués. 

Pontevedra, 28 de maio de 2024

O secretario xeral da Lingua, Valentín García, asistiu hoxe á xornada organizada pola Fundación Castelao no Museo de Pontevedra para conmemorar o 80 aniversario da publicación de Sempre en Galiza, a obra referente de Castelao que se publicou en Bos Aires en marzo de 1944.

Santiago de Compostela, 28 de maio de 2024

O conselleiro de Cultura, Lingua e Xuventude, José López Campos, inaugurou hoxe na Cidade da Cultura a exposición Outras historias posibles, un proxecto que promove unha mirada diversa sobre a historia da arte contemporánea galega, reivindicando as traxectorias de Ana García Pan, Emilia Guimeráns, Anne Heyvaert, Tusi Sandoval, Blanca Silva e Laura Terré.

Santiago de Compostela, 28 de maio de 2024

A Consellería de Cultura, Lingua e Xuventude vén de convocar unha nova edición, a sétima, do Premio de Innovación Bibliotecaria de Galicia para recoñecer os proxectos desenvolvidos polas bibliotecas municipais para o fomento da lectura e das competencias dixitais da cidadanía. 

Santiago de Compostela, 27 de maio de 2024

A Xunta financiará con 200.000 euros as obras de mantemento do edificio Círculo das Artes de Lugo, inmoble construído polo arquitecto Luis Bellido no ano 1898 e que conta coa consideración de carácter histórico. Catalogado cun nivel de protección 2, posúe un papel relevante na vida cultural da cidade pola súa ampla e variada actividade dinamizadora.

Santiago de Compostela, 27 de maio de 2024

O Conselleiro de Cultura, Lingua e Xuventude, José López Campos, asistiu hoxe no Teatro Principal de Santiago á representación do espectáculo Noso de Os Náufragos Teatro. Trátase dunha das actividades previstas para a primeira xornada de Galicia Escena PRO, a feira promovida pola Xunta de Galicia e a asociación Escena Galega para favorecer a contratación de espectáculos galegos por parte de espazos culturais, circuítos e mostras de dentro e fóra da nosa Comunidade.