Evento: Faia & Benxamín Otero

Faia Díaz, fundadora e integrante do grupo musical De Vacas, Coro Encaixe e a compañía A Patacón,  presenta un espectáculo novo que en realidade é unha evolución, un paso máis no seu proceso creativo desde o seu primeiro disco, Ao cabo Leirín (2019). Como constante nas súas creacións, a muller volve ser protagonista, portadora dunha identidade rica, xenuína e diversa.

A  voz e percusións tradicionais  de FAIA están acompañadas por Benxamín Otero con corno inglés e  a caixa de música e por Hevi en son e produción.

No directo atopámonos cun espectáculo íntimo, unha experiencia pola que deixarse levar  pola verdade do canto.