Evento: Cocorico

Cocorico é un pollito que vive feliz coa súa nai. Un día, Mamá Galiña vai facer un biscoito e o pollito ofrécese a buscar leña para acender o forno. Cando está en plena faena, aparece un gato enorme e malvado que o quere comer pero Cocorico consegue salvar a súa vida prometéndolle a metade da merenda. Pasado o perigo, o glotón de Cocorico esquece o trato e cómese o biscoito enteiro.

A mamá enfádase: "Vai vir Gato Pelado e vaiche a comer dun bocado!" Entón óese un ruído na porta, ¡é Gato Pelado que vén a por a súa metade de biscoito!

Unha adaptación do libro homónimo «Cocorico» da autora Marisa Núñez e a ilustradora Helga Bansch, un dos títulos máis vendidos da editorial OQO, referente no mundo da literatura infantil. O libro é unha adaptación dun conto popular birmano con todos os ingredientes e respectando a dramaturxia do conto tradicional.

Un espectáculo colorido cheo de personaxes entrañables. Os monicreques, a iluminación e a banda sonora fan desta historia un éxito imprescindible para o público familiar, un espectáculo cheo de pequenos detalles con tinguiduras de humor e claras referencias ao cinema de animación infantil.