Evento: Artesanía de Galicia en Compostela

A Xunta de Galicia organiza esta fin de semana –o sábado 11 e o domingo 12 de setembro– o evento Artesanía de Galicia en Compostela, no que participarán preto de 40 artesáns da marca Artesanía de Galicia especializados en oficios como a xoiería, a talla de madeira, os xoguetes, a forxa, a estampaxe, o coiro, o tecido artesanal, os complementos de moda, a escultura, a ourivería, o téxtil, a elaboración de figuras de pan, a palla trenzada, a bixutería ou a cerámica.O evento, no que se inclúen obradoiros abertos ao público e demostracións, celebrarase no claustro de San Martiño Pinario en horario de 11:00 a 14:30 e de 16:00 a 21:00 horas e ten por obxectivo impulsar a comercialización dos produtos da marca Artesanía de Galicia e a divulgación dos nosos oficios artesanais.
+ INFO E PROGRAMA COMPLETO