Evento: Feira de Produtos Tradicionais do Eixo Atlántico

A Feira de Produtos Tradicionais do Eixo Atlántico chega ao Parque da Alameda de Santiago os días 1, 2 e 3 de xullo, coa presenza de 15 produtores de Galicia e Norte de Portugal e dous artesáns de Galicia que promoverán e venderán os seus produtos ata o próximo domingo.
A Feira de Produtos Tradicionais do Eixo Atlántico, Galicia e Norte de Portugal, celébrase desde hai unha década en cidades que pertencen ao Eixo Atlántico, dentro do ámbito do programa de actividades para a promoción e venda de produtos tradicionais galegos e portugueses da entidade transfronteiriza.
Todos os produtos que se poderán atopar na feira son de marcado carácter tradicional, teñen unha alta calidade e contan con garantía de orixe, e poderán degustarse e mercarse en horario de 11.00 a 14.00 h e de 17.00 a 21.00 h durante os tres días de feira.