Evento: A maxia de Jorge Blass

Sobre o escenario sucederán efectos imposibles e visualmente espectaculares. Aparicións, desaparicións, levitacións imposibles e maxia interactiva na que o público é o protagonista. Todo iso envolto nun halo de misterio e unha coidada estética que consegue que volvamos ilusionarnos e soñar o imposible.

Neste espectáculo alucinarás coa súa extraordinaria forma de facer maxia. Jorge realiza novas ilusións con tecnoloxía do século XXI, un dron como axudante e moitas máis sorpresas. Coa Maxia de Jorge Blass vivirás en directo ilusións que cativaron a personaxes como Jackie Chan, Vin Diesel, Scarlett Johanson, Plácido Domingo ou ao mismísimo David Copperfield, quen adquiriu os dereitos dun truco que Jorge realiza no show empregando Redes Sociais e maxia, e que a estrela da maxia americana presentará no seu show das Veigas. Espectaculares efectos máxicos cos que Jorge percorre o mundo actuando en teatros e televisións das Veigas, Hollywood ou Shangai.