Evento: Quen foi Isabel Zendal?

Este obradoiro quere dar a coñecer o traballo de Isabel Zendal como coidadora e enfermeira dos 22 nenos expósitos que, a bordo da corbeta “María Pita” e no marco da Real Expedición Filantrópica da Vacina dirixida por Balmis, zarparon dende A Coruña para cruzar o Atlántico e levar a vacina in vivo da varíola. Realizaremos varios experimentos científicos nos que se abordarán conceptos de microbioloxía e inmunoloxía dende un enfoque cómico e teatral.

No salón de actos. Dirixido a nenas e nenos de 6 a 12 anos. Máximo participantes: 12. Cada un deles pode estar acompañado dunha persoa adulta. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade.

Actividade realizada no marco do Fondo de Proxectos Culturais Xacobeo 21-22.