Evento: Porto Maresía: Heredeiros da Crus

Nacidos en Ribeira (A Coruña) en 1992, o seu primeiro disco, A Cuadrilla de Pepa a Loba, editado en 1994, marcou un antes e un despois na historia do rock galego. Coas súas letras descaradas, as súas guitarras poderosas e unha actitude tan irreverente como divertida revolucionaron a escena musical do momento, con hits  que aínda hoxe permanecen na memoria colectiva, como Quero josar, Que jallo é! ou a súa versión de My Sharona (Vaiche boa).

En 1996 publican o seu segundo traballo, Está que che Caixas!!, mentres que en 1997 lanzan o EP Criatura e o longo Deas Minutos. Dous anos despois, en 1999, publican Erecsiones Munisipales. O grupo está no máis alto, xira internacionalmente e, ao máis puro estilo mainstream, grava un directo dobre, All Right Chicago (Rock ?N? Roll) (2000) e un CD DVD, Chicarrón (2004).

Tras separarse en 2005, a banda regresa en 2012 polo seu 20º aniversario para deleite dos seus acérrimos fans, cunha xira que ten como resultado a publicación do DVD gravado en directo Heredeiros dá Crus 20 Aniversario. Un ano despois, en 2013, confirman que van en serio co lanzamento dun novo disco de estudo tras dez anos de silencio: Jard Rock Con Fe..