Evento: Estrella nublada/ Meghe dhaka tara

India, 1960

Dirección e guión: Ritwit Ghatak, sobre unha historia de Shaktipada Rajguru. Produción: Chitrakalpa. Fotografía: Dinen Gupta.

Intérpretes: Anil Chatterjee, Supriya Chowdhury.

Duración: 126 minutos.

Unha moza, Nita, vive coa familia, refuxiados do leste de Paquistán, nos suburbios de Calcuta. Cun irmán máis vello aspirante a cantante, Nita apraza o matrimonio co científico Sanat para axudar aos seus próximos, que precisan cartos para pagaren os estudos dos irmáns máis novos. O pai e o irmán pequeno sofren un accidente e ela convértese no centro económico da familia. Se non era abondo o infortunio, Nita enferma de tuberculose. Xenial melodrama bengalí de sacrificio, da traxedia dunha estrela que se nubra, dun destino truncado pola contorna e mais a desconsideración. Película de orixinal posta en escena, os conflitos artéllanse a través dunha montaxe abrupta e a experimentación co son, o que fai posible a maxistral correlación entre o desequilibrio formal intencional e as tensións e colisións da historia. Un auténtico descubrimento.