Evento: Paisaxes Sonoras: Mercedes Peón

As paisaxes do Barbanza pasarán a ser escenarios emblemáticos que albergarán música e narración oral. Paisaxes Sonoras  ten a intención de poñer en valor a riqueza da contorna buscando a asociación de cultura, identidade e patrimonio como reforzo do noso acervo. Así, as catro localizacións onde terán lugar as diferentes manifestacións artísticas, non pertencen ao circuíto turístico máis recoñecido, senón que se caracterizan por estar vinculadas a poboación de maneira máis transversal. Asímesmo, as actividades terán lugar a plena luz do día para contribuír ao fortalecemento do imaxinario co legado patrimonial.