Evento: #PrimaveraXove: Encontros formativos e networking

A biblioteca cede o espazo á Dirección Xeral de Xuventude, Participación e Voluntariado para desenvolver o programa #PrimaveraXove, da Xunta de Galicia, que busca ofrecer espazos seguros, informais, abertos e innovadores para que as persoas mozas poidan desenvolverse persoal e profesionalmente e aprender dun xeito ameno favorecendo a convivencia e o networking.

O terceiro encontro versará sobre educación emocional e contará co seguinte programa:

• Relatorio a cargo de Aixa Permuy, Educadora social, pedagoga, doutora en educación e investigadora do Seminario Permanente de Emocionalidade, Xéneros e Desenvolvemento Humano do Instituto de Ciencias da Educación da Universidade de Santiago de Compostela (EXDEHU). Formadora experta en educación emocional e educación para a igualdade de oportunidades.
• Obradoiro a cargo de Isabel Presas, do  servizo Quérote + da Xunta de Galicia cuxo obxectivo é prestar un servizo de información e asesoramento á xuventude galega naquelas áreas nas que se poida aportar un maior entendemento social e que se facilite o crecemento persoal.

Máis información e inscrición: http://xuventude.xunta.es/primavera-xove/encontros