Evento: Barbituricos

Barbitúricos nacen durante unha partida de futbolín no Bar-Tolo de Compostela. Unha formación na que nos atopamos con tres veteranos da escena galega: Vituco (Ruxe Ruxe), Xurxo Pinheiro (Xenreira, Malandrómeda) e José Manuel Pedra (Desequilibrio Mental, Astarot).

É o o Bar-Tolo onde dan o seu primeiro concerto, o 6 de febreiro do 2014 acompañando a Vos Novos. Dous días despois ambas as formacións repetían no Rockin? Swing de Vigo, e o 11 de marzo na Reixa (Santiago D.C.). É unha época moi activa para o grupo, na que os concertos se suceden, tocan no Artábria (Ferrol), na sala Nasa de Compostela con Zënzar  e Ou Leo i Arremecághona (Dás Kapital), en Catoira (Pontevedra)

Eles defínense como unha banda de punk rock coas ideas moi claras: Barbitúricos chegan, tocan e falan coas mozas e mozos do lugar. Toman cubalibres de Larios e danlle caladas a joins de jachís e maría. Tamén son moito de ir a centros comerciais a comprar trapitos pola súa condición de escravos da moda.

O 2015 é máis pausado, pola actividade das outras bandas dos membros de Barbitúricos pero o 2016 chega forte. Lixo Urbano encárgase de editarlles o single en vinilo 7: Barbitúricos (Lixo Urbano, 2016). Dous cortes producidos por Hevi (Fluzo, Malandrómeda) marcados polos riffs áxiles e certo malo leite. Na cara A Escravos dá moda, intensidade no centro comercial. Punk-power-pop e compras compulsivas, sexo e delirio. Na cara B Bonnie & Clyde, rock con tinguiduras surf e ska, e unha intro a cargo de Patricia de Lorenzo realmente espectacular. Lembrando ese inicio irresistible de "Pulp Fiction" (Quentin Tarantino, 1994).