Evento: Festival TerraCeo: Triángulo de Amor Bizarro

Triángulo de Amor Bizarro publicaron en 2020 o seu quinto disco, producido por Carlos Hernández. É un dos grupos da escena independente iberoamericana máis respectados e reivindicados da última década. Desde o primeiro momento non deixaron de crecer, e cada álbum supuxo un paso adiante nunha evolución imparable.

Este disco supón a consecución de todas as súas virtudes, e será sen dúbida o traballo polo que serán lembrados no futuro.

Máis aló do alcance, do recoñecemento, do éxito ou do fracaso, de que sexa o mellor ou o peor dos nosos discos, das reproducións ou os likes, estas cancións reflicten o que somos, son o que somos, o que sentimos e o que nos importa, o que amamos e o que odiamos. Estas cancións son, máis que nunca, nós. Este disco representa a causa e o porqué da nosa dedicación a isto. Triángulo de Amor Bizarro