Evento: Pequefilmes 2021: Cenicienta Swing

No instituto Irmáns Grimm, onde estudan todos os personaxes do mundo dos contos en idade adolescente, celébrase o baile de fin de curso. No mellor da festa, a man dun Xigante rapta ao Príncipe e Cincenta sae no seu rescate. Nada será como esperabamos.

Este ano por primeira vez, o festival poderá verse tamén a través da rede, accedendo ás diferentes sesións a través da plataforma tv. Festhome. Para facelo, simplemente deberás crear o teu usuario e contrasinal e comprar a entrada para a sesión que prefiras, ou o abono para o festival completo, a un prezo reducido. O programa de Pequefilmes 2021 ofrece unha emocionante e amplísima antoloxía das mellores producións internacionais actuais para a cativada, todas elas estreadas nos dous últimos anos e moitas premiadas ou seleccionadas nos festivais de cinema infantil, xuvenil e de animación máis importantes do mundo (como Annecy, Clermont- Ferrand, Chicago ICFF, Animamundi, Animafest ou Dresdner Kinderfilfest). Recolle o máis destacado da produción internacional actual dedicada ao público infantil e xuvenil, consolidándose como unha oportunidade para ver pezas audiovisuais de gran calidade que adoitan quedar fóra dos circuítos de exhibición máis convencionais. A continuación podes ver o programa das oito sesións que compoñen esta quinta edición do festival, e comprar entrada para a que prefiras.