Evento: Sisters in the house

É un proxecto musical integrado por 18 cantantes coruñesas e dos arredores que uniron as súas voces para ofrecer un espectáculo tan único como innovador.  Carmen Rey (piano e dirección musical) e Ángeles Dorrio (dirección administrativa) están á fronte desta banda que conta con vocalistas procedentes de diferentes estilos: do rock, jazz, funky, soul e mesmo da fusión. Michael Jackson, Ray Charles, Stevie Wonder ou Beyoncé son só algúns dos artistas que versionan.

O grupo feminino Sistes in the house dará comezo ao ciclo de música «Novas expresións» o xoves 14 de novembro ás 20.30 h cun concerto no Auditorio do Centro Sociocultural localizado nos cantóns coruñeses.