Evento: Encontro con Ledicia Costas

Encontro coa autora galega Ledicia Costas para falar da súa obra A señorita Bubble (Edicións Xerais) no que explica os motivos polos que escribiu este libro e fai un pequeno xogo e un percorrido por mulleres inventoras que mudaron a Historia.

A señorita Bubble dá pé tamén a falar doutras obras literarias que gardan unha estreita relación con este libro. Acompaña ao encontro unha proxección de pequenas escenas de películas e unha quenda de preguntas.

A actividade está pensada para nenas e nenos a partir de 9 anos que previamente leran a obra. Poden vir cunha ou dúas persoas adultas. 

Ledicia Costas é unha escritora galega licenciada en Dereito pola Universidade de Vigo. Empezou a escribir desde moi nova, sendo unha autora versátil que transita temas diversos, estilos e xéneros. A súa primeira novela publicada foi Unha estrela no vento ( Edicións Xerais 2000), libro que escribiu cando era unha adolescente e que actualmente vai pola 17ª edición. 

No salón de actos. Entrada libre previa recollida dunha invitación no mostrador de información desde 30 minutos antes do comezo da actividade.