Evento: A nena que quería navegar

A nena que quería navegar
mércores, 30 novembro, 2022 - 11:45
Escolar,
A Coruña

A nena que quería navegar

Comedia musical de Redrum Producciones que trata o tema do acoso escolar.

A Nena farta de ser o centro das mofas dos seus compañeiros foxe da escola coa intención de non volver nunca máis. Na súa aventura topará co Xeadeiro, un ser máxico e vital, que a base de adiviñanzas, xogos e cancións, devolveralle a autoestima perdida. Ensinaralle que dentro de cada un de nós agóchase un ser único e especial e que só crendo nas nosas capacidades seremos quen de acadar todo o que nos propoñamos.

A Nena que Quería Navegar é unha comedia para público familiar que trata de visibilizar e paliar as consecuencias do acoso escolar a través de técnicas de reforzo positivo e aumento da autoestima. Un espectáculo optimista, colorista, emocionante, reflexivo e festivo no que se mesturan distintas disciplinas como os monicreques, o teatro de obxectos, as vídeo proxeccións e a música en directo.

Máis eventos de tipo Espectáculo

Os Bolechas visitan en familia unha galería de arte
30 de novembro
Auditorio Municipal Reveriano Soutullo
Os Bolechas visitan en familia unha galería de arte
2 de decembro
Centro Manuela Pérez Sequeiros
Taka Gómez- Plátano
2 de decembro
Sede Afundación A Coruña
Ludovico Musical Experience
2 de decembro
Auditorio Municipal Gustavo Freire