Evento: Eurozone

Creación colectiva de Chévere

Dirección: Xesús Ron

Elenco: Miguel de Lira, Patricia de Lorenzo, Manuel Cortés, Mónica García, Arantza Villar, Iván Marcos, Borja Fernández, Pepe Penabade.

Dous anos despois de iniciar o proxecto Eurozone, Chévere pecha o ciclo galego do espectáculo con dúas últimas funcións en Compostela. A primeira produción galega programada en tempada en Madrid polo Centro Dramático Nacional, onde acadou un éxito indiscutible, xa foi vista por 10.000 persoas en 21 cidades.  Feita para contribuír ao debate do presente, Eurozone é un auténtico pastiche no que se mesturan as referencias a Reservoir Dogs coa linguaxe da publicidade, os casinos on-line, os  bailes de salón e o argot ecónomico tan de actualidade coa crise.

Esta  montaxe formar parte do Bono Teatro Galego, que ofrece descontos aos menores de 30 anos para asistir a espectáculos escénicos de compañías galegas.