Evento: Concerto de corais de Nadal en Nigrán

O Concello de Nigrán ofrece o sábado 14 de decembro ás 19:00 horas no Auditorio Municipal o tradicional “Concerto de Nadal” coa presenza das tres corais do municipio: Os Vagalumes da AVCD O Castro de Chandebrito, a Coral Novos Aires de Nigrán e o Coro Ecos do Castelo de Bolos da Carrasca. 

As agrupacións interpretarán entre 6 e 7 pezas con temas de todos os xéneros e con especial atención ás panxoliñas. Así, o público poderá gozar de cancións tan coñecidas como “Blanca Navidad”, “Halelluja”, “Va Pensiero”, “Que bonito!”, “Cómo chora unha estrela?”, “Noche de Paz”, “Adeste Fideles”, “Jesús Redentor”,…