Evento: Orquestra Vigo 430

A Orquestra Sinfónica Vigo 430 pecha a súa tempada 2018-19 ao grande, cun repertorio formado por obras excepcionais interpretadas por músicos realmente soberbios.

Poderase escoitar a 6ª sinfonía de Tchaikovsky "Patética" ademais do soado Concerto para Violoncello de Elgar, a cargo da violoncellista rusa Anastasia Kobekina.

O programa complétase con "Hermes", obra dun dos máis destacados compositores galegos como é o compostelán Octavio Vázquez. Todo isto dirixido por unha das figuras emerxentes da dirección a nivel mundial: o director asistente da Filarmónica dos Angeles, o chileno Paolo Bortolameolli.