Evento: Magosto no Gaiás 2018

A Cidade da Cultura de Galicia festexará o magosto cunha nova edición de Magosto no Gaiás. Para celebrar esta cita gastronómica tradicional da cultura galega, non só se contará coas imprescindibles castañas —asadas ou como ingrediente principal en petiscos— senón que tamén se sumará a música da man de Xosé Lois Romero & Aliboria, tanto no concerto co que se lle porán música a esta cita tradicional do outono, como no obradoiro de percusión con tarrañolas, que impartirá o mesmo músico.

Xosé Lois Romero & Aliboria usarán bombos, pandeiros, pandeiras, tixolas, tarrañolas, cunchas, pandeiretas, latas, tambores e sachos para facer música, aos que sumarán cantos e aturuxos. 

As entradas serán 5 euros (anticipada) ou 5 euros (mesmo día na billeteira)