Evento: Canjazz

Actividades formativas e música únense no Canjazz, o Festival internacional de jazz de Cangas. A edición de 2018 supón a número 21 deste evento, que ao longo de tres xornadas reunirá clases maxistrais, obradoiros e charlas con actuacións musicais. 

No apartado formativo, as sesións impartiranse con figuras nacionais e internacionais, relacionadas tanto coa música jazz como con temas xenéricos da produción musical. Hai tamén propostas didácticas para público infantil.

A programación musical conta con actuacións na sesión vermú e pola noite. Distribúese por diversos espazos da vila e chega, incluso, ata Aldán.