Evento: Visita ás Ruínas de San Domingos

Do convento de Santo Domingo, en Pontevedra, un exemplo do gótico galego, só se conservan  a cabeceira de cinco ábsidas, parte do muro sur da igrexa e a entrada ó capítulo do convento. O edificio foi entrando nun estado ruinoso ao longo do século XIX, sendo derrubadas algunhas das súas partes na segunda metade do século e empregándose incluso parte dos seus materiais na pavimentación das rúas.  Hoxe en día forma parte do Museo de Pontevedra, do que é o edificio máis antigo. Durante o verán, o museo organiza unha serie de visitas guiadas para descubrir a historia do edificio. 

Horario das visitas 

De martes a venres: 12 h e 17:30 h
Sábados: 17:30 h
Domingos e festivos: 12 h
Non é necesaria inscrición