Evento: XXXIX Mostra folklórica internacional

Esta cita terá lugar os días 3, 4, 5 e o 6 de agosto e levará a Viveiro a sete grupos folclóricos de distintos países, no que é xa un dos máis importantes escaparates de cultura, da danza, do arte e da tradición en Galicia.

O programa  contempla un amplo número de actividades que se desenvolverán durante catro días. O domingo será a quenda do peche estelar que sempre se corresponde coa Gran Gala Internacional da Mostra, todo un espectáculo que achega a Viveiro as diferentes culturas do mundo. A entrada é libre e de balde ata completar aforamento, onde se habilitiará un espazo especialmente destinado para persoas con mobilidade reducida.

Nesta edición cóntase coa actuación de sete grupos folclóricos como o internacional Ballet de la Universidad de Colima de México, Song And Dance Ensemble Bielsko de Polonia, o Grupo Etnográfico Da Areosa de Portugal ou o Ballet Carmen López de Colombia. Xa no ámbito nacional están previstas as actuacións dos Coros y Danzas de Granada e dos Coros y Danzas Jovellanos de Xixón; ademais da actuación do grupo anfitrión,  Bágoas da Terra, de Viveiro.

Pero ademais o programa contempla outras moitas propostas, desde exposicións de pintura ata audicións musicais polas rúas e prazas de Viveiro.