Evento: Lavandeiras

O oficio das lavandeiras forma parte do imaxinario colectivo. As mulleres á beira do río, de xeonllos, fregando a roupa tecen unha estampa que se repetiu ao longo da historia. Ao seu redor, as lendas e os contos protagonizadas por este grupo de mulleres sucédense ao longo da xeografía galega, tanto física como identitaria.

Daboapipa recolle ese patrimonio oral, musícao, dálle forma e agasállallo ao público, descubríndolle os outros relatos que rodean os lavadoiros. Desde as máxicas e fantasmagóricas lavandeiras enchoupadas en sangue que xurdían da noite traendo malos augurios até as cancións populares que compoñían de forma colectiva todas estas mulleres.

A voz de Vero Rilo e a música de Santi Prieto enfían estas pezas nun espectáculo único.