Evento: Agoraphobia

Agoraphobia é unha banda de rock orixinaria de Boiro. Nacen ao redor do ano 2006, como un cuarteto de amigas de instituto que compartían o gusto pola música punk e as ganas de facer as súas propias cancións. 

Cedo, as súas inquietudes plasmáronse nunha maqueta autoproducida chamada "Mentir e Gobernar", ao máis puro estilo punk. Co paso do tempo a banda foi cambiado de integrantes ata chegar á formación actual: Susana (voz e percusión), Aislinn (guitarra), Sabela (guitarra), Lucía (baixo) e Paula (batería). E tamén foi evolucionando en xénero musical ata achegarse ao Garage Rock.

Lanzan o seu primeiro EP, "Dirty Little Things" a finais de Setembro do 2014, tras ter gañado o concurso de talentos musicais VODAFONEyu. Foron seleccionadas entre un gran número de propostas de toda a península. Este EP de estrea está cheo de enerxía e letras irónicas.

No 2015 publican "Ready to play" un proxecto financiado mediante crowdfunding.