Evento: Festival Internacional de Teatro de Ourense FITO

O VIII Festival Internacional de Teatro de Ourense (FITO) desenvolverase na cidade das Burgas coa participación de 18 compañías de distintos xéneros e procedencias. O abano de propostas que acollerá a cita ourensá comprende as producións de sete compañías galegas e de 11 doutros puntos España, Europa e Latinoamérica.

O FITO 2015 amosa os últimos espectáculos de seis compañías galegas que achegan novos estilos e poéticas. Así, xunto coas devanditas propostas de Matarile, de Mulleres Creando e dos pasarrúas diarios a cargo dos ourensáns Trécola, figuran na carteleira Lucecús Teatro con ‘A órbita dos lucecús’, Matrioshka Teatro con ‘C’est la vie’, Funboa Escénica con ‘Sushi gratis’ e Elefante Elegante con ‘Kassa’.

Tamén estarán en Ourense outras 11 compañías de fóra de Galicia, como son La Veronal (Cataluña), que abrirá o festival o día 2 con ‘Islandia’, para dar paso nos seguintes días a Los Lunes (Madrid) con ‘Ayuda’, Pablo Rivero (Madrid) con ‘Cuarteto’, Teatro de Los Andes (Bolivia) con ‘Mar’, Hongaresa (Valencia) con ‘Serenata para un país sin serenos’, Teatro Art’Imagen (Portugal) con ‘As veias abertas da humanidade. Memória de amor e Guerra’, Marco Canale (Arxentina) con ‘El futuro empezó ayer’, L’Alakran (Suíza) con ‘Kairos, sísifos e zombis’, Lolita Corina (Cataluña) con ‘Brujas’, Frida Kahlo (Italia) con ‘La Merda’ e Candelita (Francia-Portugal) con ‘Vecindarios’.

O programa de funcións, que terán lugar maioritariamente no Auditorio Municipal e no Teatro Principal, completarase con outras actividades como un curso que impartirá o creador e intérprete arxentino Marco Canale, un coloquio sobre festivais e encontros en España e Francia e dúas reunións entre profesionais do sector das artes escénicas de Galicia e entre dramaturgos e dramaturgas galegas.

O Programa completo do Festival:

• 02/10/2015
  • 19:00h. Rúa do Paseo: Menú ExquiFITO da compañía galega Trécola. (Estrea)
  • 20:30h. Auditorio Municipal: Islandia da compañía catalá La Veronal.
• 03/10/2015
  • 20:30h. Teatro Principal: Ayuda da compañía madrileña Los Lunes.
• 04/10/2015
  • 13:00h. Casco Vello: Candelita, Vecindarios da compañía franco-lusa Cavaluna.
  • 19:00h. Teatro Principal: A órbita do Lucecú da compañía galega Lucecús (estrea).
• 06/10/2015
  • 20:30h. Auditorio Municipal: Mar da compañía boliviana Teatro de los Andes
• 07/10/2015
  • 20:30h. Teatro Principal: C’est la vie da compañía galega Matrioshka Teatro.
• 08/10/2015
  • 20:30h. Teatro Principal: Sushi Gratis da compañía galega Funboa Escénica.
  • 23:00h. Auditorio Municipal: As veias abertas da humanidade. Memoria de amor e guerra da compañía portuguesa Teatro Art’Imagen.
• 09/10/2015
  • 20:30h. Teatro Principal: El futuro empezó ayer da compañía arxentina Marco Canale.
  • 23:00h. Auditorio Municipal: Kassa da compañía galega Elefante Elegante.
• 10/10/2015
  • 11:00h. Antiga Capela do Campus Universitario: El cuello de la jirafa da compañía galega Matarile Teatro.
  • 19:00h. Auditorio Municipal: Unha delas. Arredor de Anne Sexton de Ana Romaní.
  • 20:30h. Auditorio Municipal: Serenata para un país sin serenos da compañía valenciana Hongaresa.
• 11/10/2015
  • 13:00h. Auditorio Municipal: Recital de Iolanda Zúñiga e Chus Pato.
  • 19:00h. Teatro Principal: Brujas da compañía catalana Lolita Corina.
  • 20:30h. Antigua Capela do Campus Universitario: El cuello de la jirafa da compañía galega Matarile Teatro.
  • 23:00h. Auditorio Municipal: Kairos, sísifos e zombis da compañía suiza L’Alakran.
• 12/10/2015
  • 13:00h. Auditorio Municipal (Sala Azul): Cinta adhesiva de Silvia Penas.
  • 20:30h. Auditorio Municipal: La Merda da compañía italiana Frida Kahlo Productions,  Richard Jordan Productions, Produzioni Fuorivia in association with Summerhall.