Evento: En Crudo

David Lendoiro Perdomo é un músico, actor e cómico coruñés.

Estudou no Colexio Peñarredonda (A Coruña) e aos 19 anos comezou os seus estudos de arte dramática na Escola Casa Hamlet da Coruña. Durante os catro anos que estivo a se formar como actor, participou nalgunhas curtametraxes e obras de teatro. Ao acabar no ano 2003, realizou diversos cursos en diferentes escolas de formación e especialización nos que chegou a ser alumno de Leo Bassi ou Churri Silva. 
A súa popularidade foi crecendo en Galicia debido ás súas esporádicas aparicións na televisión autonómica e polos seus coñecidos e improvisados monólogos.

Considérase músico por encima de calquera outra profesión. Foi vocalista de diversos grupos ao longo da súa vida e actualmente forma parte de Brainwash, unha banda de death metal ferrolá.
Impartiu clases de interpretación e improvisación en Santiago de Compostela organizado por Caixa Negra Producións.